საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

აღნიშნულ პროექტთან დაკავშირებით „გარემოსდაცვითი შეფასების კოდექსის“ მე-7 მუხლის მე-12 ნაწილის მიხედვით, სამინისტროში  წარმოდგენილ იქნა სკრინინგისა და სკოპინგის ერთობლივი განცხადება ( სკრინინგის განცხადების გამოქვეყნების შესახებ იხილეთ ლინკი - https://mepa.gov.ge/Ge/PublicInformation/25589 ). სკრინინგის გადაწყვეტილების შედეგად წარმოდგენილი პროექტი დაექვემდებარა გარემოზე ზემოქმედების შეფასებას. აღნიშნულიდან გამომდინარე სკოპინგის დასკვნის მიღების მიზნით სამინისტრომ დაიწყო ადმინისტრაციული წარმოება.

დაგეგმილი საქმიანობის დასახელება: 35 კილოვოლტი მიწისზედა ელექტროგადამცემი ხაზის გაყვანა და 110 კილოვოლტი ქვესადგურის განთავსება;

დაგეგმილი საქმიანობის განმახორციელებელი: სს „ენერგო-პრო ჯორჯია“;

დაგეგმილი საქმიანობის განხორციელების ადგილი: გარდაბნის მუნიციპალიტეტი

„საქართველოში ახალი კორონავირუსის გავრცელების აღკვეთის მიზნით გასატარებელი ღონისძიებების დამტკიცების შესახებ“ საქართველოს მთავრობის 2020 წლის 23 მარტის №181 დადგენილებაში ცვლილების შეტანის თაობაზე“ საქართველოს მთავრობის 2020 წლის 26 მარტის  №196 დადგენილების თანახმად, „გარემოსდაცვითი შეფასების კოდექსი“ საქართველოს კანონით გათვალისწინებული სკოპინგის დასკვნისა და გარემოსდაცვითი გადაწყვეტილების გაცემისთვის დაწყებული ადმინისტრაციული წარმოებები (რომელთა მიმდინარეობისას კოდექსით გათვალისწინებული საჯარო განხილვები ვერ ჩატარდა/ჩატარდება ახალი კორონავირუსის შესაძლო გავრცელების პრევენციის მიზნით) განხორციელდება საჯარო განხილვის ჩატარების გარეშე და ადმინისტრაციულ წარმოებაში საზოგადოების მონაწილეობა და მის მიერ მოსაზრებებისა და შენიშვნების წარდგენის შესაძლებლობა უზრუნველყოფილი იქნება წერილობით (მისამართზე: ქ. თბილისი, მარშალ გელოვანის გამზირი N6) ან ელექტრონული საშუალებით (ელ. ფოსტის მისამართზე: eia@mepa.gov.ge ). ზემოაღნიშნულიდან გამომდინარე, დაინტერესებულ საზოგადოებას გაცნობებთ, რომ სს „ენერგო-პრო ჯორჯიას“ 110/35/10 კვ ძაბვის ქვესადგური „გამარჯვებას“ და 35 კვ ძაბვის ელექტროგადამცემი ხაზის „გამარჯვება-ვაზიანის“ მშენებლობის და ექსპლუატაციის პროექტის სკოპინგის ანგარიშზე დაწყებული ადმინისტრაციული წარმოება  განხორციელდება საჯარო განხილვის ჩატარების გარეშე. 

სკოპინგის ანგარიშთან დაკავშირებული წერილობითი შენიშვნები და მოსაზრებები შეგიძლიათ წარუდგინოთ საქართველოს გარემოს დაცვისა და სოფლის მეურნეობის სამინისტროს 2020 წლის 16 ივნისამდე, მისამართზე: ქ. თბილისი, მარშალ გელოვანის გამზირი N6, ან ელ. ფოსტის მისამართზე: eia@mepa.gov.ge.