საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

განცხადება რედაქციული ხარვეზის გასწორების შესახებ-ახალქალაქის მუნიციპალიტეტში, შპს „ჯავახავტოგზას“ ასფალტის წარმოების პროექტი

გარემოსდაცვითი გადაწყვეტილების მიღების მიზნით შპს "ჯავახავტოგზას" მიერ სამინისტროში წარმოდგენილი იქნა ახალქალაქის მუნიციპალიტეტში, ასფალტის წარმოების პროექტი, რომელიც თანდართულ დოკუმენტაციასთან ერთად განთავსდა სამინისტროს ოფიციალურ ვებგვერდზე (იხ. ლინკი)

2020 წლის 12 ივნისს შპს "ჯავახავტოგზამ" სამინისტროს მომართა წერილობით და აცნობა, რომ გარემოზე ზემოქმედების შეფასების დოკუმენტაციაზე თანდართული, ზედაპირული წყლის ობიექტში ჩაშვებულ დამაბინძურებელ ნივთიერებათა ზღვრულად დასაშვები ჩაშვების (ზდჩ) ნორმების პროექტის რამდენიმე პარაგრაფი შეიცავდა რედაქციულ ხარვეზებს. აღნიშნულის გათვალისწინებით, კომპანიამ წარმოადგინა შესწორებული დოკუმენტი.

დაგეგმილი საქმიანობის ზდჩ-ის დოკუმენტთან დაკავშირებული წერილობითი შენიშვნები და მოსაზრებები შეგიძლიათ წარუდგინოთ საქართველოს გარემოს დაცვისა და სოფლის მეურნეობის სამინისტროს 2020 წლის 30 ივნისამდე, მისამართზე: ქ. თბილისი, მარშალ გელოვანის გამზირი N6, ან ელ. ფოსტის მისამართზე: eia@mepa.gov.ge