საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

გ ა ნ ც ხ ა დ ე ბ ა გარემოსდაცვითი გადაწყვეტილების მიღების თაობაზე - მდინარე ხრამზე ჰიდროელექტროსადგურის (ნახიდური ჰესი 7,5 მგვტ) მშენებლობის და ექსპლუატაციის პროექტი

შპს „ნახიდური ჰესის” მიერ გარემოსდაცვითი გადაწყვეტილების მიღების მიზნით სამინისტროში 2020 წლის 23 აპრილს წარმოდგენილა ბოლნისის მუნიციპალიტეტში, მდინარე ხრამზე ჰიდროელექტროსადგურის (ნახიდური ჰესი 7,5 მგვტ) მშენებლობის და ექსპლუატაციის პროექტის გარემოზე ზემოქმედების შეფასების ანგარიში, რომელიც განთავსდა სამინისტროს ოფიციალურ ვებგვერდზე  (იხ. ლინკი - https://mepa.gov.ge/Ge/PublicInformation/25588 ). 

ადმინისტრაციული წარმოების პროცესში გარკვეული საკითხების დაზუსტების მიზნით, 2020 წლის 25 მაისს სამინისტრომ შეაჩერა პროექტის განხილვა (იხ. ლინკი - https://mepa.gov.ge/Ge/PublicInformation/25646).

სამინისტროს მოთხოვნის შესაბამისად, 2020 წლის 22 ივნისს შპს „ნახიდური ჰესმა” წარმოადგინა დაზუსტებული დოკუმენტაცია პროექტთან დაკავშირებით.

ყოველივე ზემოაღნიშნულიდან გამომდინარე დამატებით წარმოდგენილ დაზუსტებულ დოკუმენტაციასთან დაკავშირებით წერილობითი შენიშვნები და მოსაზრებები შეგიძლიათ წარუდგინოთ  საქართველოს გარემოს დაცვისა და სოფლის მეურნეობის სამინისტროს 2020 წლის 31 ივლისამდე, მისამართზე: ქ.თბილისი, მარშალ გელოვანის გამზირი N6, ან ელ. ფოსტის მისამართზე: eia@mepa.gov.ge