საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

განცხადება დამატებითი ინფორმაციის წარმოდგენის შესახებ - შპს „გლობალ რესაიქლინგ კოს“ მეორადი ნედლეულის გადამამუშავებელი (პოლიმერული ნარჩენების აღდგენა) საწარმოს მშენებლობისა და ექსპლუატაციის პროექტი

2020 წლის 9 ივნისს შპს „გლობალ რესაიქლინგ კოს“ მიერ სამინისტროში წარმოდგენილი იქნა მეორადი ნედლეულის გადამამუშავებელი (პოლიმერული ნარჩენების აღდგენა) საწარმოს მშენებლობისა და ექსპლუატაციის პროექტის გარემოზე ზემოქმედების შეფასების ანგარიში და კანონით გათვალისწინებული თანდართული დოკუმენტაცია, რომელიც განთავსდა სამინისტროს ოფიციალურ ვებგვერდზე (იხ. ლინკი - https://mepa.gov.ge/Ge/PublicInformation/25718).

ადმინისტრაციული წარმოების ეტაპზე ზღვრულად დასაშვებ ჩაშვების ნორმების ანგარიშში და გზშ-ის ანგარიშში გარკვეული საკითხების დაზუსტების მიზნით, 2020 წლის 3 ივლისს N 6184/01 წერილის საფუძველზე სამინისტრომ მიიღო გადაწყვეტილება აღნიშნულ პროექტზე ადმინისტრაციული წარმოების შეჩერების შესახებ.

2020 წლის 10 ივლისს შპს "გლობალ რესაიქლინგ კომ" სამინისტროში წარმოადგინა დაზუსტებული ინფორმაცია აღნიშნული შენიშვნების გათვალისწინებით. 

ყოველივე ზემოაღნიშნულიდან გამომდინარე დამატებით წარმოდგენილ დაზუსტებულ დოკუმენტაციასთან დაკავშირებით წერილობითი შენიშვნები და მოსაზრებები შეგიძლიათ წარუდგინოთ  საქართველოს გარემოს დაცვისა და სოფლის მეურნეობის სამინისტროს 2020 წლის 10 აგვისტომდე მისამართზე: ქ.თბილისი, მარშალ გელოვანის გამზირი N6, ან ელ. ფოსტის მისამართზე: eia@mepa.gov.ge