საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

2020 წლის 14 ივლისს შპს „მენესო ჰესმა“, გარემსდაცვითი გადაწყვეტილების მიღების მიზნით, საქართველოს გარემოს დაცვისა და სოფლის მეურნეობის სამინისტროში წარმოადგინა დუშეთის  მუნიციპალიტეტში, მდ. არაგვზე ჰიდროელექტროსადგურის (მენესო ჰესი 7,4 მგვტ) მშენებლობისა და ექსპლუატაციის პროექტი (იხ. ბმული). 

მიმდინარე წლის 29 ივლისს სამინისტრომ პროექტთან დაკავშირებული გარკვეული საკითხების დაზუსტების მიზნით მიიღო გადაწყვეტილება ადმინისტრაციული წარმოების შეჩერების შესახებ (იხ. წერილი N7194/01). 


გარემოს დაცვისა და სოფლის მეურნეობის სამინისტროს 2020 წლის 29 ივლისის N7194/01 წერილის პასუხად დუშეთის მუნიციპალიტეტში, მდ. არაგვზე ჰიდროელექტროსადგურის (მენესო ჰესი-7,4 მგვტ) მშენებლობისა და ექსპლუატაციის პროექტზე შპს „მენესო ჰესის” მიერ წარმოდგენილი იქნა დაზუსტებული/კორექტირებული გარემოზე ზემოქმედების შეფასების ანგარიში და თანდართული დოკუმენტაცია. 


ზემოაღნიშნულთან დაკავშირებით წერილობითი შენიშვნები და მოსაზრებები შეგიძლიათ წარუდგინოთ საქართველოს გარემოს დაცვისა და სოფლის მეურნეობის სამინისტროს 2020 წლის 2 ოქტომბრამდე, მისამართზე: ქ. თბილისი, მარშალ გელოვანის გამზირი N6, ან ელ. ფოსტის მისამართზე: eia@mepa.gov.ge