საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

როგორც თქვენთვის ცნობილია, 2020 წლის 8 ივლისის N01/2336 წერილით საქართველოს რეგიონული განვითარებისა და ინფრასტრუქტურის სამინისტრომ, საქართველოს გარემოს დაცვისა და სოფლის მეურნეობის სამინისტროში წარმოადგინა „ქალაქ ზუგდიდის გენერალური გეგმის“ პროექტის სტრატეგიული გარემოსდაცვითი შეფასების (სგშ) ანგარიში  და „ქალაქ ზუგდიდის გენერალური გეგმის” პროექტი, რის საფუძველზეც საქართველოს გარემოს დაცვისა და სოფლის მეურნეობის სამინისტროში დაიწყო ადმინისტრაციული წარმოება სტრატეგიულ დოკუმენტსა და სგშ-ის ანგარიშზე რეკომენდაციის გაცემის მიზნით (იხ. ელ. ბმული  https://mepa.gov.ge/Ge/PublicInformation/26823) 

გაცნობებთ, რომ 2020 წლის 6 აგვისტოს N01/2766 წერილით, საქართველოს რეგიონული განვითარებისა და ინფრასტრუქტურის სამინისტრომ მიმართა სამინისტროს ადმინისტრაციული წარმოების შეწყვეტის თაობაზე. წერილის თანახმად,  2020 წლის 4 აგვისტოს N01/9115 წერილით მიღებულ დაავადებათა კონტროლისა და საზოგადოებრივი ჯანმრთელობის ეროვნული ცენტრის სკოპინგის დასკვნიდან გამომდინარე, შესაძლოა გარკვეული ცვლილებები განხორციელდეს უკვე შემუშავებულ სტრატეგიული გარემოსდაცვითი შეფასების (სგშ) ანგარიშში.

აღნიშნული წერილის საფუძველზე, სამინისტრო წყვეტს  ქალაქ ზუგდიდის გენერალური გეგმასა და სგშ-ის ანგარიშზე რეკომენდაციის გაცემის მიზნით მიმდინარე ადმინისტრაციულ წარმოებას. ამასთან, 2020 წლის 3 სექტემბერს, ქ. ზუგდიდში, აღარ გაიმართება სტრატეგიული გარემოსდაცვითი შეფასების ანგარიშსა და ზუგდიდის გენერალურ გეგმასთან დაკავშირებით დაგეგმილი საჯარო განხილვა. 

აღნიშნული განცხადების შესაბამისად, განახლდება სამინისტროს ვებგვერდზე 13 ივლისს განთავსებული განცხადება ადმინისტრაციული წარმოების დაწყების თაობაზე