საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

დაგეგმილი საქმიანობის დასახელება: მენესო ჰესის მშენებლობა და ექსპლუატაცია;

დაგეგმილი საქმიანობის განმახორციელებელი: შპს „მენესო ჰესი“;

დაგეგმილი საქმიანობის განხორციელების ადგილი:  დუშეთის მუნიციპალიტეტი;

საჯარო განხილვის ორგანიზატორი: საქართველოს გარემოს დაცვისა და სოფლის მეურნეობის სამინისტრო;

დაგეგმილი საქმიანობის გარემოზე ზემოქმედების შეფასების ანგარიშის საჯარო განხილვა:

• 2020 წლის 16 სექტემბერი, 13:00 საათი, დუშეთის მუნიციპალიტეტი, სოფ. ჭართალის ადმინისტრაციული ერთეულის შენობის ეზო

ქვეყანაში შექმნილი ეპიდსიტუაციიდან და სხვადასხვა შეზღუდვებიდან გამომდინარე გარემოზე ზემოქმედების შეფასების ანგარიშთან დაკავშირებით საჯარო განხილვა გაიმართება დუშეთის მუნიციპალიტეტში, სოფ. ჭართალის ადმინისტრაციული ერთეულის შენობის ეზოში (ღია სივრცეში). საჯარო განხილვა ღიაა, მასში მონაწილეობის, ასევე შენიშვნებისა და მოსაზრებების წარდგენის უფლება აქვს საზოგადოების ნებისმიერ წარმომადგენელს.  

დაგეგმილი საქმიანობის გარემოზე ზემოქმედების შეფასების ანგარიშის განცხადებასთან დაკავშირებული წერილობითი შენიშვნები და მოსაზრებები შეგიძლიათ წარუდგინოთ საქართველოს გარემოს დაცვისა და სოფლის მეურნეობის სამინისტროს 2020 წლის 2 ოქტომბრამდე, მისამართზე: ქ. თბილისი, მარშალ გელოვანის გამზირი N6, ან ელ. ფოსტის მისამართზე: eia@mepa.gov.ge

 

პ.ს. აღნიშნულ განცხადებაში განხორციელდა ცვლილება, გაცნობებთ, რომ 2020 წლის 10 სექტემბერს შპს „მენესო ჰესმა“ მომართა სამინისტროს პროექტთან დაკავშირებით ადმინისტრაციული წარმოების შეწყვეტის მოთხოვნით (იხ. ლინკი). აღნიშნულიდან გამომდინარე სამინისტრომ ზემოაღნიშნულ პროექტთან დაკავშირებით მიიღო გადაწყვეტილება ადმინისტრაციული წარმოების შეწყვეტის თაობაზე, შესაბამისად 2020 წლის 16 სექტემბერს დაგეგმილი საჯარო განხილვა აღარ გაიმართება.