საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

სკოპინგის განცხადება - გარდაბნის მუნიციპალიტეტში, სს "საქართველოს ნავთობისა და გაზის კორპორაციის" 272 მეგავატი სიმძლავრის კომბინირებული ციკლის თბოელექტროსადგურის მშენებლობისა და ექსპლუატაციის პროექტი

2020 წლის 18 აგვისტოს სკოპინგის დასკვნის მიღების მიზნით, სს "საქართველოს ნავთობისა და გაზის კორპორაციის" მიერ წარმოდგენილ იქნა 272 მეგავატი სიმძლავრის კომბინირებული ციკლის თბოელექტროსადგურის მშენებლობისა და ექსპლუატაციის პროექტი, რომელიც განთავსებულ იქნა სამინისტროს ოფიციალურ ვებგვერდზე (იხ. ლინკი). ადმინისტრაციული წარმოების საწყის ეტაპზე, დოკუმენტში გამოვლენილ იქნა რიგი ხარვეზები, რის შესახებაც კომპანიას ეცნობა წერილობითი სახით. სამინისტროს წერილის საფუძველზე, სკოპინგის დასკვნის მიღების მიზნით, კომპანიამ უზრუნველყო განახლებული სკოპინგის განცხადებისა და თანდართული დოკუმენტაციის წარმოდგენა.

დაგეგმილი საქმიანობის დასახელება: თბოელექტროსადგურის მშენებლობა და ექსპლუატაცია;

დაგეგმილი საქმიანობის განმახორციელებელი: სს საქართველოს ნავთობისა და გაზის კორპორაცია;

დაგეგმილი საქმიანობის განხორციელების ადგილი: გარდაბნის მუნიციპალიტეტი;

დაგეგმილი საქმიანობის სკოპინგის ანგარიშთან დაკავშირებული წერილობითი შენიშვნები და მოსაზრებები შეგიძლიათ წარუდგინოთ საქართველოს გარემოს დაცვისა და სოფლის მეურნეობის სამინისტროს 2020 წლის 24 სექტემბრამდე, მისამართზე: ქ. თბილისი, მარშალ გელოვანის გამზირი N 6, ან ელ. ფოსტის მისამართზე: eia@mepa.gov.ge