საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

გ ა ნ ც ხ ა დ ე ბ ა გარემოსდაცვითი გადაწყვეტილების მიღების თაობაზე - ხობის მუნიციპალიტეტის ჭალადიდის თემის სოფ. საბაჟოში შპს „ბილჯ ვოტერ“-ის სახიფათო ნარჩენების (ლიალური და ნავთობის ნახშირწყალბადებით დაბინძურებული წყლების განთავსება) განთავსების პროექტი

დაგეგმილი საქმიანობის დასახელება: სახიფათო ნარჩენების (ლიალური და ნავთობის ნახშირწყალბადებით დაბინძურებული წყლების განთავსება) განთავსება;

დაგეგმილი საქმიანობის განმახორციელებელი: შპს „ბილჯ ვოტერ“;

დაგეგმილი საქმიანობის განხორციელების ადგილი: ხობის მუნიციპალიტეტის ჭალადიდის თემის სოფ. საბაჟო;

2020 წლის 17 ივლისს გარემოსდაცვითი გადაწყვეტილების მიღების მიზნით, შპს "ბილჯ ვოტერის" მიერ სამინისტროში წარმოდგენილ იქნა ხობის მუნიციპალიტეტის ჭალადიდის თემის სოფ. საბაჟოში სახიფათო ნარჩენების (ლიალური და ნავთობის ნახშირწყალბადებით დაბინძურებული წყლები) განთავსების საწარმოს მიმდინარე საქმიანობის გაგრძელების შესახებ პროექტის გარემოზე ზემოქმედების შეფასების ანგარიში (იხ. ლინკი).

ადმინისტრაციული წარმოების პროცესში გამოვლინდა გარკვეული ხარვეზები, რაც 2020 წლის 19 აგვისტოს N 7956/01 წერილის საფუძველზე ეცნობა კომპანიას (იხ. ლინკი). აღნიშნული წერილის შესაბამისად,  შპს „ბილჯ ვოტერ“-მა 2020 წლის 2 სექტემბერს წარმოადგინა განახლებული გზშ-ის დოკუმენტაცია. 

აღნიშნული პროექტი სამინისტროში წარმოდგენილია „გარემოსდაცვითი შეფასების კოდექსის“ 47-ე მუხლის მე-15 ნაწილის საფუძველზე, „ეკოლოგიური აუდიტის ანგარიშის შედგენისა და მიმდინარე საქმიანობის გაგრძელების შესახებ გადაწყვეტილების მიღების თაობაზე“ საქართველოს გარემოს დაცვისა და სოფლის მეურნეობის მინისტრის 2018 წლის 11 ოქტომბრის N2-827 ბრძანების მე-13 მუხლის მე-2 პუნქტის შესაბამისად.

დაგეგმილი საქმიანობის გარემოზე ზემოქმედების შეფასების ანგარიშის განცხადებასთან დაკავშირებული წერილობითი შენიშვნები და მოსაზრებები შეგიძლიათ წარუდგინოთ საქართველოს გარემოს დაცვისა და სოფლის მეურნეობის სამინისტროს 2020 წლის 18 სექტემბრამდე, მისამართზე: ქ. თბილისი, მარშალ გელოვანის გამზირი N6, ან ელ. ფოსტის მისამართზე: eia@mepa.gov.ge