საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

2020 წლის 31 აგვისტოს სამინისტროს ოფიციალურ ვებგვერდზე განთავსდა შპს „POLIMARR-ის“ პოლიეთილენის ნარჩენების გადამამუშავებელი საწარმოს (ნარჩენების აღდგენა) მოწყობა-ექსპლუატაციის პროექტის გარემოზე ზემოქმედების შეფასების (იხ.  ლინკი).

აღნიშნული პროექტის გარემოზე ზემოქმედების შეფასების ანგარიშის საჯარო განხილვის შესახებ ინფორმაცია გამოქვეყნებული იყო სამინისტროს ოფიციალურ ვებგვედზე (იხ. ლინკი).

გაცნობებთ, რომ 2020 წლის 9 ოქტომბერს საჯარო განხილვას გამგეობის წარმომადგენელი არ დასწრებია, რის გამოც მოქმედი კანონმდებლობის შესაბამისად საჯარო განხილვა ჩატარებულად ვერ ჩაითვალა. შესაბამისად, სამინისტრომ მიიღო გადაწყვეტილება გარემოზე ზემოქმედების შეფასების ანგარიშის საჯარო განხილვის განმეორებით ჩანიშვნის შესახებ.

ვინაიდან საქართველოში ახალი კორონავირუსის გავრცელების პრევენციის მიზნით ქვეყანაში სხვადასხვა პერიოდში მოქმედებს სხვადასხვა სახის შეზღუდვები, კოდექსით გათვალისწინებული პროცედურების შეუფერხებლად ჩატარების მიზნით, 2020 წლის 18 სექტემბერს ,,გარემოსდაცვითი შეფასების კოდექსში” განხორციელდა ცვლილება (https://matsne.gov.ge/document/view/4994730?publication=0), რომელიც ითვალისწინებს საქართველოს კანონმდებლობით განსაზღვრული პანდემიის/ეპიდემიის დროს, ქვეყანაში არსებული ეპიდემიოლოგიური მდგომარეობის გათვალისწინებით, საჯარო განხილვის დისტანციურად, კომუნიკაციის ელექტრონული საშუალებების გამოყენებით ჩატარების შესაძლებლობას.

ზემოაღნიშნულიდან გამომდინარე, გარემოზე ზემოქმედების შეფასების ანგარიშთან დაკავშირებით განმეორებითი საჯარო განხილვა გაიმართება დისტაციურად, კომუნიკაციის ელექტრონული საშუალებების გამოყენებით. საჯარო განხილვები ღიაა, მათში მონაწილეობის, ასევე შენიშვნებისა და მოსაზრებების წარდგენის უფლება აქვს საზოგადოების ნებისმიერ წარმომადგენელს.

საჯარო განხილვაში მონაწილეობისთვის, გთხოვთ, უზრუნველყოთ Zoom-ის აპლიკაციის დაყენება. აღნიშნული შესაძლებელია განხორციელდეს ავტომატურ რეჟიმში, შეხვედრის ელ. ბმულზე გადასვლის შემდგომ. აპლიკაციით სარგებლობა შესაძლებელია როგორც სმარტფონით, ასევე პერსონალური კომპიუტერითა და ლეპტოპით.

დაგეგმილი საქმიანობის დასახელება: პოლიეთილენის ნარჩენების გადამუშავება;

დაგეგმილი საქმიანობის განმახორციელებელი: შპს “POLIMARR”;

დაგეგმილი საქმიანობის განხორციელების ადგილი: ქ. თბილისი, თემქის მე-3 მიკრორაიონი, მე-5 კვ. ისაკიანის ქუჩა N1;

საჯარო განხილვის ორგანიზატორი: საქართველოს გარემოს დაცვისა და სოფლის მეურნეობის სამინისტრო.

დაგეგმილი საქმიანობის გარემოზე ზემოქმედების შეფასების ანგარიშის განმეორებითი საჯარო განხილვა: 

2020 წლის 27 ოქტომბერი, 17:00 საათი

საჯარო განხილვაზე დასწრების ბმული:
Zoom meeting ID - 814 5017 2325
Join Zoom Meeting -  https://us02web.zoom.us/j/81450172325 

დაგეგმილი საქმიანობის გარემოზე ზემოქმედების შეფასების ანგარიშის განცხადებასთან დაკავშირებული წერილობითი შენიშვნები და მოსაზრებები შეგიძლიათ წარუდგინოთ საქართველოს გარემოს დაცვისა და სოფლის მეურნეობის სამინისტროს 2020 წლის 28 ოქტომბრამდე მისამართზე: ქ. თბილისი, მარშალ გელოვანის გამზირი N6, ან ელ. ფოსტის მისამართზე: eia@mepa.gov.ge