საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

განცხადება ადმინისტრაციული წარმოების შეჩერების თაობაზე - სს „კავკასიის ქარის კომპანიის" კასპის ქარის ელექტროსადგურის (დადგმული სიმძლავრე 54 მგვტ), 110კვ ეგხ-ს და ქვესადგურის მშენებლობისა და ექსპლუატაციის პროექტი

2020 წლის 4 ივნისს გარემოსდაცვითი გადაწყვეტილების მიღების მიზნით სს „კავკასიის ქარის კომპანიის" მიერ  სამინისტროში წარმოდგენილი იქნა კასპის ქარის ელექტროსადგურის (დადგმული სიმძლავრე 54 მგვტ), 110კვ ეგხ-ს და ქვესადგურის მშენებლობისა და ექსპლუატაციის პროექტის გარემოზე ზემოქმედების შეფასების ანგარიში.  აღნიშნული გზშ-ის ანგარიშები განთავსდა სამინისტროს ოფიციალურ ვებგვერდზე (იხ. ბმული https://mepa.gov.ge/Ge/PublicInformation/25696).

სამინისტრომ გარკვეული საკითხების დაზუსტების მიზნით მიიღო გადაწყვეტილება ადმინისტრაციული წარმოების შეჩერების შესახებ. აღნიშნული საკითხები სამინისტროს მიერ გადაგზავნილი იქნა სს „კავკასიის ქარის კომპანიასთან" (წერილი N 12044/01). სამინისტრო ადმინისტრაციულ წარმოებას განაახლებს მას შემდეგ, რაც  სს „კავკასიის ქარის კომპანია" სამინისტროში წარმოადგენს დამატებით ინფორმაციას  წერილში არსებული საკითხების გათვალისწინებით.