საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

2021 წლის 22 თებერვალს, 13:00 საათზე, ონლაინ პლატფორმის „Zoom“ საშუალებით ეროვნული სატყეო პროგრამის (NFP) მე-7 პლენარული სხდომა გაიმართება.

 

შეხვედრაზე განიხილება სატყეო სექტორის რეფორმის მიმდინარე პროცესი. აგრეთვე, სატყეო პოლიტიკის შემუშავებაზე, ტყის მართვასა და ზედამხედველობაზე პასუხისმგებელი უწყებების მიერ წარმოდგენილი იქნება პრეზენტაციები 2020 წელს მიღწეული შედეგებისა და 2021 წლის გეგმების შესახებ.
 
ეროვნული სატყეო პროგრამის პროცესი 2013 წლიდან მიმდინარეობს. მისი მიზანია საქართველოში სატყეო სექტორის რეფორმის ხელშეწყობა, გადაწყვეტილებების მიღების პროცესში დაინტერესებული მხარეების ჩართულობის უზრუნველყოფა და საზოგადოებისთვის სატყეო პოლიტიკის, ტყის მართვისა და ზედამხედველობის შესახებ ინფორმაციის მიწოდება.
 
დამატებითი ინფორმაციისთვის, გთხოვთ, დაუკავშირდით ეროვნული სატყეო პროგრამის კოორდინატორს, ქალბატონ ნანა ხელხელაურს (ელ-ფოსტა: Nanakhelkhelauri@gmail.com. ტელ: +995 598 301 222).


Join Zoom Meeting: https://us02web.zoom.us/j/87102212040

Meeting ID: 871 0221 2040

  გაზიარება