საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

გარემოზე ზემოქმედების შეფასების ანგარიშის საჯარო განხილვა - შპს „მაქს იმპორტის“ ცემენტის საწარმოს ექსპლუატაციის პირობების ცვლილების პროექტი

 

2021 წლის 17 მარტს შპს „მაქს იმპორტის“ მიერ სამინისტროში წარმოდგენილ იქნა ქ. რუსთავში, ცემენტის საწარმოს ექსპლუატაციის პირობების ცვლილების პროექტის გარემოზე ზემოქმედების შეფასების ანგარიში და თანდართული დოკუმენტაცია. აღნიშნული გარემოზე ზემოქმედების შეფასების ანგარიშის საჯარო განხილვა დაგეგმილი იყო 2021 წლის 5 მაისს, 12:00 საათზე, ქალაქ რუსთავის მუნიციპალიტეტის მერიის შენობაში. გზშ-ის ანგარიშის საჯარო განხილვის შესახებ ინფორმაცია, თანდართულ დოკუმენტაციასთან ერთად განთავსებული იქნა სამინისტროს ოფიციალურ ვებგვერდზე (იხ. ლინკი - https://mepa.gov.ge/Ge/PublicInformation/31673).

 

გაცნობებთ, რომ ვინაიდან საქართველოს მთავრობის 2021 წლის 16 აპრილის №175 დადგენილებით 2021 წლის 4 მაისიდან - 11 მაისის ჩათვლით ქვეყანაში გამოცხადებულია უქმე დღეები, დაგეგმილი საჯარო განხილვა 2021 წლის 5 მაისის ნაცვლად გაიმართება 2021 წლის 18 მაისს, 12:00 საათზე, ქალაქ რუსთავის მუნიციპალიტეტის მერიის შენობაში. 

 

ამასთან დაგეგმილი საქმიანობის გზშ-ის ანგარიშთან დაკავშირებული წერილობითი შენიშვნებისა და მოსაზრებების წარმოსადგენად მითითებული ვადის  (2021 წლის 21 მაისის ჩათვლით) ნაცვლად, შეგიძლიათ წარუდგინოთ საქართველოს გარემოს დაცვისა და სოფლის მეურნეობის სამინისტროს 2021 წლის 1 ივნისის ჩათვლით, მისამართზე: ქ. თბილისი, მარშალ გელოვანის გამზირი N6, ან ელ. ფოსტის მისამართზე: eia@mepa.gov.ge.

 

 

დაგეგმილი საქმიანობის დასახელება: ცემენტის საწარმოს ექსპლუატაციის პირობების ცვლილება; 

 

დაგეგმილი საქმიანობის განმახორციელებელი: შპს „მაქს იმპორტი“;

 

დაგეგმილი საქმიანობის განხორციელების ადგილი: ქ. რუსთავი, მარის არხის III დასახლება, სს „რკინა-ბეტონის“ მიმდებარე ტერიტორია. 

 

დაგეგმილი საქმიანობის გარემოზე ზემოქმედების შეფასების ანგარიშის საჯარო განხილვის დრო და ადგილი:

 

• 2021 წლის 18 მაისი 12:00 საათი, ქ. რუსთავის მერიის შენობა.

 

საჯარო განხილვის ორგანიზატორი: საქართველოს გარემოს დაცვისა და სოფლის მეურნეობის სამინისტრო.

 

„გარემოსდაცვითი შეფასების კოდექსის“ თანახმად, გარემოსდაცვითი გადაწყვეტილების მიმღებ უფლებამოსილ ორგანოს წარმოადგენს საქართველოს გარემოს დაცვისა და სოფლის მეურნეობის სამინისტრო. 

 

გარემოზე ზემოქმედების შეფასების ანგარიშის საჯარო განხილვა გაიმართება ქ. რუსთავის მუნიციპალიტეტის მერიის შენობაში. საჯარო განხილვა ღიაა, მასში მონაწილეობის, ასევე შენიშვნებისა და მოსაზრებების წარდგენის უფლება აქვს საზოგადოების ნებისმიერ წარმომადგენელს. 

 

შენიშვნების და მოსაზრებების წარმოდგენის ვადების ცვლილებასთან დაკავშირებით იხ. ლინკი

გაზიარება