საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

მიმდინარე წლის 2 ოქტომბერს, შპს „ენერჯი დეველოფმენტ ჯორჯია“-მ სამინისტროში წარმოადგინა გარემოსდაცვითი გადაწყვეტილების მიღების თაობაზე განცხადება ჩოხატაურის მუნიციპალიტეტში ელექტროგადამცემი ხაზის „მეწიეთის“ მშენებლობისა და ექსპლუატაციის პროექტზე. აღნიშნულის თაობაზე განცხადება გამოქვეყნდა სამინისტროს ვებ. გვერდზე, 3 ოქტომბერს (იხ. ელ. ბმული http://mepa.gov.ge/Ge/PublicInformation/132).
აღნიშნული პროექტის საჯარო განხილვა დანიშნული იყო 2018 წლის 20 ნოემბერს, სოფელი ხიდისთავში. (იხ. ელ . ბმული http://mepa.gov.ge/Ge/PublicInformation/192 )
მიმდინარე წლის 15 ნოემბერს, შპს „ენერჯი დეველოფმენტ ჯორჯიამ“ საქართველოს გარემოს დაცვისა და სოფლის მეურნეობის სამინისტროს მიმართა “ელექტროგადამცემი ხაზის „მეწიეთის“ მშენებლობისა და ექსპლუატაციის” პროექტის გარემოზე ზემოქმედების შეფასების ანგარიშის საჯარო განხილვის  გადადების შესახებ. შესაბამისად, აღნიშნულმა გამოიწვია არა ადმინისტრაციული წარმოების შეწყვეტა, არამედ შეჩერება.
მიმართვაში აღნიშნული იყო, რომ ელექტროგადამცემი ხაზის პროექტი ითვალისწინებდა N11 საყრდენის განთავსებას კერძო მესაკუთრის მიმდებარე ტერიტორიაზე და მიმდინარეობდა მესაკუთრეებთან შეთანხმებული პირობების სამართლებრივი და პროცედურული უზრუნველყოფა.

აღნიშნული მიმართვის საფუძველზე, შეჩერდა ადმინისტრაციული წარმოება გარემოსდაცვითი გადაწყვეტილების გაცემის მიზნით და გადაიდო ჩოხატაურის მუნიციპალიტეტში, სოფელ ხიდისთავის საზოგადოებრივ ცენტრში, 20 ნოემბერს დაგეგმილი საჯარო განხილვა. (იხ. ელ ბმული http://mepa.gov.ge/Ge/PublicInformation/3232);

მიმდინარე წლის 20 ნოემბერს, შპს  „ენერჯი დეველოფმენტ ჯორჯია“-მ წარმოადგინა სამინისტროში განცხადება, რომლის თანახმად, დასრულებულია კერძო მესაკუთრესთან შეთანხმების პროცესი, შესაბამისად კომპანიამ ითხოვა პროცესის განახლება და საჯარო განხილვის ჩანიშვნა.

აღსანიშნავია, რომ  კომპანიის განმარტებით, მიღწეულ იქნა შეთანხმება მესაკუთრესთან, რაც ბუნებრივია გულისხმობს, რომ სამინისტროს ვებ. გვერდზე განთავსებული დოკუმენტაცია უცვლელი დარჩა, ასევე, იმ გარემოების გათვალისწინებით, რომ კომპანიის მიერ არ მომხდარა დამატებით დოკუმენტაციის წარმოდგენა განსახილველად,  ხოლო წარმოდგენილი დოკუმენტაცია საჯაროდ იყო ხელმისაწვდომი დაინტერესებული საზოგადოებისათვის, მისი განხილვა მოხდება საჯარო განხილვის ფორმატში. ვინაიდან განსახილველ საკითხზე დროებით შეჩერდა წარმოება, თუმცა დოკუმენტაცია დარჩა უცვლელი და ის ხელმისაწვდომი იყო საზოგადოებისათვის მიმდინარე წლის 3 ოქტომბრიდან, სამინისტრო ითვალისწინებს რა როგორც კერძო, ასევე საზოგადობის ინტერესებს,  დამატებით აძლევს ვადას დაინტერესებულ საზოგადოებას გაეცნოს აღნიშნულ პროექტს და წარმოადგინოს საკუთარი მოსაზრებები. 

ზემოაღნიშნულიდან გამომდინარე,  შპს „ენერჯი დეველოფმენტ ჯორჯიას“  ჩოხატაურის მუნიციპალიტეტში ელექტროგადამცემი ხაზის „მეწიეთის“ მშენებლობისა და ექსპლუატაციის პროექტის საჯარო განხილვა გაიმართება:

2018 წლის 17 დეკემბერს, 15:00 საათზე, სოფელ ხიდისთავის საზოგადოებრივი ცენტრი

საჯარო განხილვის ორგანიზატორი: საქართველოს გარემოს დაცვისა და სოფლის მეურნეობის სამინისტროსაჯარო განხილვა ღიაა, მასში მონაწილეობის, ასევე შენიშვნებისა და მოსაზრებების წარდგენის უფლება აქვს საზოგადოების ნებისმიერ წარმომადგენელს. პროექტის დოკუმენტაციასთან დაკავშირებული  შენიშვნები და მოსაზრებები ასევე შეგიძლიათ წარუდგინოთ სამინისტროს 2018 წლის   21 დეკემბრის ჩათვლით, მისამართზე: ქ.თბილისი, მარშალ გელოვანის გამზირი N6, ან ელ.ფოსტის  მისამართზე: eia@mepa.gov.ge.ასევე, მოთხოვნის შემთხვევაში, სამინისტრო უზრუნველყოფს “გარემოსდაცვითი შეფასების კოდექსით” გათვალისწინებული გადაწყვეტილების მიღებისთვის საჭირო დოკუმენტაციის მიწოდებას  ნაბეჭდი სახით.იხილეთ საჯარო განხილვის წესი

გარემოსდაცვითიგადაწყვეტილების მიღების თაობაზე განცხადება

გარემოზე ზემოქმედების შეფასების ანგარიში

არატექნიკური რეზიუმე

Shape