საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

გ ა ნ ც ხ ა დ ე ბ ა გარემოსდაცვითი გადაწყვეტილების მიღების თაობაზე - ქ. ფოთის თავისუფალ ინდუსტრიულ ზონაში, შპს „აზა კარბონის“ ნავთობის კოქსის კალცინირების საწარმოს მშენებლობა და ექსპლუატაცია

2021 წლის 10 მარტს საქართველოს გარემოს დაცვისა და სოფლის მეურნეობის სამინისტროს ოფიციალურ ვებგვერდზე განთავსდა შპს „აზა კარბონის“ ნავთობის კოქსის კალცინირების საწარმოს მშენებლობისა და ექსპლუატაციის გარემოზე ზემოქმედების შეფასების ანგარიში და კანონით გათვალისწინებული თანდართული დოკუმენტაცია (იხ. ლინკი). ადმინისტრაციული წარმოების პროცესში გარკვეული საკითხების დაზუსტების მიზნით, 2020 წლის 5 მაისის N4439/01 წერილით სამინისტრომ მიიღო გადაწყვეტილება ადმინისტრაციული წარმოების შეჩერების შესახებ (იხ. ლინკი). სამინისტროს მოთხოვნის შესაბამისად, შპს „აზა კარბონმა“ დამატებით წარმოადგინა დაზუსტებული დოკუმენტაცია დაგეგმილ პროექტთან დაკავშირებით (იხ. ლინკი). 2021 წლის 1 ოქტომბერს შპს „აზა კარბონის“ მიერ სამინისტროში წარმოდგენილ იქნა გარემოსდაცვითი გადაწყვეტილების მიღების თაობაზე ახალი განცხადება, რომელიც ეხება ნავთობის კოქსის კალცინირების საწარმოს მშენებლობისა და ექსპლუატაციის პროექტზე ადმინისტრაციული წარმოების თავიდან დაწყებას, ხოლო მიმდინარე განცხადებაზე ადმინისტრაციული წარმოების შეწყვეტას.

დაგეგმილი საქმიანობის დასახელება: კალცინირებული ნავთობის კოქსის წარმოება;

საქმიანობის განმახორციელებელი: შპს „აზა კარბონი“;

დაგეგმილი საქმიანობის განხორციელების ადგილი: ქ. ფოთის თავისუფალი ინდუსტრიული ზონა.

წარმოდგენილ გზშ-ის ანგარიშთან დაკავშირებით წერილობითი შენიშვნები და მოსაზრებები შეგიძლიათ წარუდგინოთ გარემოს დაცვისა და სოფლის მეურნეობის სამინისტროს 2021 წლის 3 დეკემბრის ჩათვლით, მისამართზე: ქ. თბილისი, მარშალ გელოვანის გამზირი N6 ან ელ. ფოსტის მისამართზე: eia@mepa.gov.ge