საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

გ ა ნ ც ხ ა დ ე ბ ა ადმინისტრაციული წარმოების შეწყვეტის თაობაზე - ცაგერის მუნიციპალიტეტში, მდინარე ჯონოულზე 32 მგვტ სიმძლავრის „ჯონოული - 2“ ჰესის მშენებლობისა და ექსპლუატაციის პროექტი

შპს "ჯონოული 2"-ის მიერ, სამინისტროში წარმოდგენილი იქნა სკოპინგის განცხადება, რომელიც ეხება ცაგერის მუნიციპალიტეტში, მდინარე ჯონოულზე 32 მგვტ სიმძლავრის „ჯონოული - 2“ ჰესის მშენებლობისა და ექსპლუატაციის პროექტს (იხ. ლინკი: https://mepa.gov.ge/Ge/PublicInformation/33400). 

2022 წლის 28 იანვარს 16:00 სთ-ზე, ცაგერის მუნიციპალიტეტში, სოფ. ჩქუმის საჯარო სკოლის შენობაში დაგეგმილი იყო შპს „ჯონოული 2“-ის 32 მგვტ სიმძლავრის „ჯონოული-2“ ჰესის მშენებლობისა და ექსპლუატაციის პროექტის სკოპინგის ანგარიშის საჯარო განხილვის განმეორებით ჩატარება (იხ. ლინკი - https://mepa.gov.ge/Ge/PublicInformation/33605).

2022 წლის 20 იანვარს შპს „ჯონოული 2"-მა სამინისტროში წარმოადგინა განცხადება (სამინისტროს რეგისტრაციით N682), სადაც აღნიშნულია, რომ კომპანია აწარმოებს დამატებით კვლევებს გარკვეული საკითხების დაზუსტების, ადგილობრივ მოსახლეობასთან შეთანხმების მიზნით და ითხოვს სკოპინგის პროცედური შეჩერებას.

გაცნობებთ, რომ სამინისტრომ კომპანიის მიერ წარმოდგენილი წერილის საფუძველზე (გარკვეული საკითხების დაზუსტებამდე და ადგილობრივ მოსახლეობასთან პროექტის შეთანხმებამდე) შეწყვიტა ადმინისტრაციული წარმოება. ამასთან, აღარ გაიმართება 2022 წლის 28 იანვარს 16:00 სთ-ზე, ცაგერის მუნიციპალიტეტში, სოფ. ჩქუმის საჯარო სკოლის შენობაში დაგეგმილი სკოპინგის ანგარიშის საჯარო განხილვა.