საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

გ ა ნ ც ხ ა დ ე ბ ა დამატებითი ინფორმაციის წარმოდგენის თაობაზე - გარდაბნის მუნიციპალიტეტში, სოფ. თელეთის ტერიტორიაზე შპს „უნივერსალის“ ცხოველთა სასაკლაოს მოწყობისა და ექსპლუატაციის პროექტი

2022 წლის 11 იანვარს სამინისტროს ოფიციალურ ვებგვერდზე განთავსდა გარდაბნის მუნიციპალიტეტში, სოფ. თელეთის ტერიტორიაზე შპს „უნივერსალის“ ცხოველთა სასაკლაოს მოწყობისა და ექსპლუატაციის პროექტის გარემოზე ზემოქმედების შეფასების ანგარიში და კანონით გათვალისწინებული თანდართული დოკუმენტაცია (იხ. ბმული - https://mepa.gov.ge/Ge/PublicInformation/33598). ადმინისტრაციული წარმოების პროცესში გარკვეული საკითხების დაზუსტების მიზნით,  2022 წლის 24 თებერვლის N1780/01 წერილით სამინისტრომ  მიიღო გადაწყვეტილება ადმინისტრაციული წარმოების შეჩერების თაობაზე (იხ. ბმული - https://mepa.gov.ge/Ge/PublicInformation/33778). 

გაცნობებეთ, რომ  სამინისტროს მოთხოვნის შესაბამისად, ზემოაღნიშნული საკითხების დაზუსტების მიზნით შპს „უნივერსალმა“ დამატებით წარმოადგინა დაზუსტებული ინფორმაცია/დოკუმენტაცია დაგეგმილ პროექტთან დაკავშირებით.

ზემოაღნიშნულ ინფორმაციასთან დაკავშირებული წერილობითი შენიშვნები და მოსაზრებები შეგიძლიათ წარუდგინოთ  საქართველოს გარემოს დაცვისა და სოფლის მეურნეობის სამინისტროს 2022 წლის 25 მარტის ჩათვლით, მისამართზე: ქ. თბილისი, მარშალ გელოვანის გამზირი N6, ან ელ. ფოსტის მისამართზე: eia@mepa.gov.ge (გთხოვთ, შენიშვნების/მოსაზრებების ელ.ფოსტაზე გამოგზავნისას  მიუთითოთ  შემდეგი ადრესატი:  საქართველოს გარემოს დაცვისა და სოფლის მეურნეობის სამინისტროს)