საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

გ ა ნ ც ხ ა დ ე ბ ა ადმინისტრაციული წარმოების განახლების შესახებ - მდ. სტორზე შპს „სტორი ენერჯის“ 11.9 მგვტ დადგმული სიმძლავრის ჰიდროელექტროსადგურისა („სტორი 2 ჰესი“) და 110 კვ ქვესადგურის მშენებლობა-ექსპლუატაციის პროექტი

გარემოსდაცვითი გადაწყვეტილების მიღების მიზნით შპს „სტორი ენერჯის“ მიერ სამინისტროში წარმოდგენილ იქნა - თელავის მუნიციპალიტეტში, მდ. სტორზე 11.9 მგვტ დადგმული სიმძლავრის ჰიდროელექტროსადგურის („სტორი 2 ჰესი“) მშენებლობა-ექსპლუატაციის გარემოზე ზემოქმედების შეფასების ანგარიში (იხ. ლინკი - https://mepa.gov.ge/Ge/PublicInformation/33261).

ადმინისტრაციული წარმოების პროცესში 2022 წლის 27 იანვარს N720/01 წერილის შესაბამისად, სამინისტრომ პროექტთან დაკავშირებით მიიღო გადაწყვეტილება ადმინისტრაციული წარმოების შეჩერების შესახებ (იხ. ლინკი - https://mepa.gov.ge/Ge/PublicInformation/33669).

2022 წლის 11 მარტს შპს „სტორი ენერჯის“ მიერ N5216 წერილის შესაბამისად სამინისტროში წარმოდგენილ იქნა დამატებითი (დაზუსტებული) ინფორმაცია თელავის მუნიციპალიტეტში, მდ. სტორზე 11.9 მგვტ დადგმული სიმძლავრის ჰიდროელექტროსადგურის („სტორი 2 ჰესი“) მშენებლობა-ექსპლუატაციის გარემოზე ზემოქმედების შეფასების ანგარიშზე.

დაზუსტებულ დოკუმენტაციასთან დაკავშირებით წერილობითი შენიშვნები და მოსაზრებები შეგიძლიათ წარუდგინოთ საქართველოს გარემოს დაცვისა და სოფლის მეურნეობის სამინისტროს 2022 წლის 15 აპრილის ჩათვლით, მისამართზე: ქ. თბილისი, მარშალ გელოვანის გამზირი N6, ან ელ. ფოსტის მისამართზე: eia@mepa.gov.ge