საჯარო განხილვისთვის
ტექნიკური რეგლამენტი - ორგანული (ბიოლოგიური, ეკოლოგიური) წარმოებაში გამოსაყენებლად დაშვებული პროდუქტებისა და ნივთიერებების შესახებ
პროექტი შემუშავებულია პროდუქტის უსაფრთხოებისა და თავისუფალი მიმოქცევის კოდექსის 56-ე მუხლის პირველი ნაწილის, 58-ე მუხლის მე-2 ნაწილის, სურსათის/ცხოველის საკვების უვნებლობის, ვეტერინარიისა და მცენარეთა დაცვის კოდექსის 75-ე მუხლის მე-2 ნაწილის, COMMISSION IMPLEMENTING REGULATION (EU) 2021/1165 of 15 July 2021 authorising certain products and substances for use in organic production and establishing their lists -ის და COMMISSION IMPLEMENTING REGULATION (EU) 2023/2229 of 25 October 2023 amending and correcting Implementing Regulation (EU) 2021/1165 authorising certain products and substances for use in organic production and establishing their lists კონსოლიდირებული ვერსიისა და საქართველოს კანონმდებლობით განსაზღვრულ მოთხოვნათა შესაბამისად.
პროექტი განსაზღვრავს ორგანულ, ბიოლოგიურ სოფლის მეურნეობაში და ბიოსურსათის, მათ შორის ბიოღვინის წარმოებისათვის დაშვებული ნივთიერებების ჩამონათვალს და მასში დანართების სახით წარმოდგენილია:
- მცენარეთა დაცვის საშუალებების მოქმედი(აქტიური) ნივთიერებები;
- სასუქები, ნიადაგის მელიორანტები და საკვები ნივთიერებები;
- ცხოველის საკვებში გამოსაყენებლად განკუთვნილი მცენარეული, ცხოველური, მიკრობული ან მინერალური წარმოშობის, წყალმცენარეების ან საფუვრიდან მიღებული არაორგანული მასალა;
- ცხოველის საკვების დანამატები და გადამუშავების დამხმარე საშუალებები
- დასუფთავებისა და დეზინფექციის პროდუქტები/საშუალებები;
- სურსათის საკვებდანამატები და გადამუშავების დამხმარე ტექნოლოგიური საშუალებები;
- გადამუშავებული ორგანული სურსათის წარმოებაში დაშვებული არაორგანული სასოფლო-სამეურნეო ინგრედიენტები;
- გადამუშავების დამხმარე ტექნოლოგიური დანამატები საფუვრისა და საფუვრის პროდუქტების წარმოებისთვის;
- ორგანული ღვინის წარმოებაში დაშვებული პროდუქტები და ნივთიერებები;
- სერტიფიცირების პროცედურები;
- და სხვ.
საკონტაქტო პირი - ქეთევან ლაფერაშვილი. ketevan.laperashvili@mepa.gov.ge
გაზიარება