საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

თბილისის აგლომერაციის ატმოსფერული ჰაერის ხარისხის მართვის 2024-2026 წლების გეგმის პროექტის საჯარო კონსულტაციების დაწყება

საქართველოს გარემოს დაცვისა და სოფლის მეურნეობის სამინისტროს კოორდინაციით და ევროკავშირის მხარდაჭერით, საქართველოს მთავრობის 2019 წლის 20 დეკემბრის N629 დადგენილებით დამტკიცებული „პოლიტიკის დოკუმენტების შემუშავების, მონიტორინგისა და შეფასების“ წესის შესაბამისად, ქართველი და ევროპელი ექსპერტების ჩართულობით შემუშავდა თბილისის აგლომერაციის ატმოსფერული ჰაერის ხარისხის მართვის 2024-2026 წლების გეგმის პროექტი (შემდგომში - გეგმის პროექტი), რომლის საჯარო კონსულტაციების პროცესი დაიწყო. 

 

გეგმის პროექტთან დაკავშირებით შენიშვნებისა და მოსაზრებების წარმოდგენა შესაძლებელია არაუგვიანეს 2024 წლის 7 აგვისტოს ჩათვლით შემდეგ ელ-ფოსტაზე: lasha.akhalaia@mepa.gov.ge).

 

გეგმის მიზანია თბილისში ატმოსფერული ჰაერის ხარისხის გასაუმჯობესებლად, სახელმწიფო უწყებების, ასევე  ქ. თბილისის და მისი მიმდებარე მუნიციპალიტეტების ჩართულობით   სათანადო ღონისძიებების გატარება. გეგმის პროექტი შემუშავდა ევროპელი ექსპერტების მონაწილეობით სპეციალური სამუშაო ჯგუფის ფარგლებში, რომელშიც ჩართულნი იყვნენ სახელმწიფო უწყებების, მუნიციპალური ორგანოებისა და სამოქალაქო საზოგადოების წარმომადგენლები.

 

საჯარო განხილვის შესახებ ინფორმაცია გეცნობებათ მოგვიანებით. 

 

იხილეთ „თბილისის აგლომერაციის ატმოსფერული ჰაერის ხარისხის მართვის 2024-2026 წლების გეგმის პროექტი“  თანდართული დანართებით.

გაზიარება