საჯარო განხილვისთვის
„ტექნიკური რეგლამენტი - ზოგიერთ სურსათში დიოქსინების, დიოქსინის მსგავსი პოლიქლორირებული ბიფენილების და არადიოქსინის მსგავსი პოლიქლორირებული ბიფენილების დონის კონტროლისთვის ნიმუშების აღების და ანალიზის მეთოდები“
პროექტი შემუშავებულია პროდუქტის უსაფრთხოებისა და თავისუფალი მიმოქცევის კოდექსის 56-ე მუხლის პირველი ნაწილის, 58-ე მუხლის მე-2 ნაწილის, სურსათის/ცხოველის საკვების უვნებლობის, ვეტერინარიისა და მცენარეთა დაცვის კოდექსის 75-ე მუხლის მე-2 ნაწილის, COMMISSION REGULATION (EU) 2017/644 of 5 April 2017 laying down methods of sampling and analysis for the control of levels of dioxins, dioxin-like PCBs and non-dioxin-like PCBs in certain foodstuffs and repealing Regulation (EU) No 589/2014 (ევროკომისიის 2017 წლის 5 აპრილის რეგულაცია (EU) 2017/644, რომელიც განსაზღვრავს ნიმუშის აღებისა და ანალიზის მეთოდებს საკვებ პროდუქტებში დიოქსინების, დიოქსინის მსგავსი პოლიქლორირებული ბიფენილებისა და არადიოქსინის მსგავსი პოლიქლორირებული ბიფენილების დონეების კონტროლისთვის და აუქმებს რეგულაციას (EU) No 589/2014)-ისა და საქართველოს კანონმდებლობით განსაზღვრულ მოთხოვნათა შესაბამისად.
პროექტით განსაზღვრულია ზოგიერთ სურსათში დიოქსინებისა და ფურანების ჯამისთვის და დიოქსინის მსგავსი PCB-ებითვის სამოქმედო დონეები, ნიმუშის აღების გეგმა, რომელიც მოიცავს პარტიის/ლოტის დაყოფას ქვეპარტიება/ქველოტებად სურსათისთვის, რომელთა ვაჭრობა ხორციელდება დიდი მოცულობის ტვირთის სახით, პარტიის/ლოტის დაყოფას ქვეპარტიებად/ქველოტებად სხვა სურსათისათვის, ასევე ადგენს პარტიიდან/ლოტიდან ან ქვეპარტიიდან/ქველოტიდან ასაღები ინკრემენტალური/წერტილოვანი ნიმუშების მინიმალურ რაოდენობას.
პროექტით დადგენილია პარტიის/ ლოტის შესაბამისობა სპეციფიკაციებთან არადიოქსინის მსგავს PCB-ებთან და დიოქსინებთან (PCDD/Fs) და დიოქსინის მსგავს PCB-ებთან დაკავშირებით, განსაზღვრულია სამოქმედო დონეების გადაჭარბებასთან დაკავშირებული პირობები, მოთხოვნები სკრინინგისა და დამადასტურებელი მეთოდების განხორციელებასთან დაკავშირებით, ადამიანის რისკის შეფასების WHOTEF- ები, ხარისხის უზრუნველყოფის მოთხოვნები, მოთხოვნები ლაბორატორიების მიმართ, ძირითადი მოთხოვნები, რომლებსაც უნდა შეესაბამებოდეს დიოქსინებისა (PCDD/Fs) და დიოქსინის მსგავსი PCB-ისთვის განხორციელებული ანალიზის პროცედურები, GC-MS მეთოდებთან დაკავშირებული სპეციფიკური მოთხოვნები, რომელთა დაცვა აუცილებელია სკრინინგის ან დადასტურების მიზნებისთვის.
პროექტი განსაზღვრავს ზოგად და სპეციფიკურ მოთხოვნებს ბიოანალიზური მეთოდებისთვის და შედეგის ანგარიშგებასთან დაკავშირებულ ვალდებულებებს.
საკონტაქტო პირი - ქეთევან ლაფერაშვილი ketevan.laperashvili@mepa.gov.ge
გაზიარება