საჯარო განხილვისთვის
უცხო ინვაზიური სახეობების მართვის კონცეფციის საჯარო განხილვა
საქართველოს გარემოს დაცვისა და სოფლის მეურნეობის სამინისტროსა და შვედეთის საერთაშორისო განვითარების თანამშრომლობის სააგენტო (Sida) პროექტის „გადავარჩინოთ ბუნება - საქართველო“ ფარგლებში შემუშავდა უცხო ინვაზიური სახეობების მართვის კონცეფცია.
უცხო ინვაზიური სახეობების მართვის კონცეფციის მიზანია, საქართველოში უცხო ინვაზიური სახეობებით გამოწვეული საფრთხეების შემცირება და პრევენცია, ბიომრავალფეროვნების, ეკოსისტემების, ადამიანის ჯანმრთელობისა და ეკონომიკის დაცვა. კონცეფცია მიზნად ისახავს ინვაზიური სახეობების შემოტანის, გავრცელებისა და დამკვიდრების პრევენციას, უკვე შემოჭრილი სახეობების ადრეულ აღმოჩენას და სწრაფ რეაგირებას, დამკვიდრებული ინვაზიური სახეობების კონტროლს და მართვას, ასევე საზოგადოების ცნობიერების ამაღლებას და შესაბამისი ინსტიტუციური და სამართლებრივი ჩარჩოს განვითარებას.
დოკუმენტი გახდება საფუძველი უცხო ინვაზიური სახეობების მართვის ეროვნული სტრატეგიის, მოქმედებათა გეგმისა და შესაბამისი სამართლებრივი ბაზის შემუშავებისთვის.
დოკუმენტის საჯარო განხილვა ჩატარდება 2025 წლის 4 ივნისს 12:00 საათზე ZOOM პლატფორმის გამოყენებით შემდეგ ბმულზე:
Meeting ID: 967 4818 0723
დაინტერესებულ პირებს გთხოვთ, აღნიშნული კონცეფციის დოკუმენტზე წარმოადგინოთ შენიშვნები და წინადადებები არაუგვიანეს 2025 წლის 30 მაისისა შემდეგ ელ. ფოსტაზე:
Mariam.Bikashvili@mepa.gov.ge