საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

მდგრადი მეთევზეობის განვითარების კონცეფციის საჯარო განხილვა

 

საქართველოს გარემოს დაცვისა და სოფლის მეურნეობის სამინისტროსა და შვედეთის საერთაშორისო განვითარების თანამშრომლობის სააგენტო (Sida) პროექტის „გადავარჩინოთ ბუნება - საქართველო“ ფარგლებში შემუშავდა მდგრადი მეთევზეობის განვითარების კონცეფცია. 

მდგრადი მეთევზეობის განვითარების კონცეფციის დოკუმენტის მიზანია საქართველოში მეთევზეობის სექტორის მდგრადი განვითარებისთვის ერთიანი პოლიტიკის ჩარჩოს შექმნა, წყლის ბიოლოგიური რესურსების კონსერვაციისა და მდგრადი მართვის უზრუნველყოფა, საერთაშორისო და ევროკავშირთან აღებული ვალდებულებების შესრულება, არსებული საკანონმდებლო და ინსტიტუციური ხარვეზების აღმოფხვრა, სექტორის ერთიანი განვითარების ხედვის ჩამოყალიბება. 

დოკუმენტი გახდება საფუძველი თევზჭერის ეროვნული სტრატეგიის, მოქმედებათა გეგმისა და შესაბამისი სამართლებრივი ბაზის შემუშავებისთვის.
დოკუმენტის საჯარო განხილვა ჩატარდება 2025 წლის 4 ივნისს 15:00 საათზე ZOOM პლატფორმის გამოყენებით შემდეგ ბმულზე:

https://zoom.us/j/92549997029
Meeting ID: 925 4999 7029


დაინტერესებულ პირებს გთხოვთ, აღნიშნული კონცეფციის დოკუმენტზე წარმოადგინოთ შენიშვნები და წინადადებები არაუგვიანეს 2025 წლის 30 მაისისა შემდეგ ელ. ფოსტაზე: Mariam.Bikashvili@mepa.gov.ge

 

გაზიარება