საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

სურსათის უვნებლობის სტრატეგია 2025-2028 წ.“ შემუშავდა საქართველოს გარემოს დაცვისა და სოფლის მეურნეობის სამინისტროში შექმნილი უწყებათაშორისი სამუშაო ჯგუფის მიერ, გაეროს სურსათისა და სოფლის მეურნეობის ორგანიზაციის (FAO) მხარდაჭერით, ევროპის სამეზობლო პროგრამის სოფლის მეურნეობისა და სოფლის განვითარებისთვის (ENPARD)-IVის ფარგლებში. სტრატეგიის მომზადების პროცესში აქტიურად მონაწილეობდნენ დაინტერესებული მხარეები, მათ შორის სოფლის მეურნეობის მეცნიერებათა აკადემიის, ბიზნეს სექტორის, დარგობრივი ასოციაციების წარმომადგენლები.

სტრატეგიის შემუშავებისას გამოყენებული იქნა 2023-2024 წლებში შემუშავებულ სხვადასხვა ანალიტიკური დოკუმენტები. ეს დოკუმენტებია:

• სურსათის უვნებლობის 2020-2023 წლების სტრატეგიის დოკუმენტის სწრაფი შეფასების ანგარიში (2023-2024) ;

• სურსათის კონტროლის ეროვნული სისტემის შეფასების ფარგლებში მომზადებული ქვეყნის პროფილი (2023) ;

• სურსათის კონტროლის ეროვნული სისტემის შეფასების ყოვლისმომცველი ანგარიში (2023-2024) ;

• ანგარიში სურსათის ბიზნესოპერატორების საჭიროებათა კვლევის შესახებ (2024) .

ატეგიის პროექტის განხილვა და დაინტერესებულ მხარეებთან საკონსულტაციო შეხვედრა, FAO-ს მხარდაჭერით, გაიმართა მიმდინარე წლის 25 აპრილს.

პროექტში მოცემულია არსებული მდგომარეობის ზოგადი მიმოხილვა, ძირითადი მიღწევები და გამოწვევები, სტრატეგიის ხედვა. 

სტრატეგიის მიზანია რისკზე დაფუძნებული სახელმწიფო კონტროლის და რისკების პროაქტიული მართვით, სურსათის უვნებლობის ეფექტიანი და მდგრადი სისტემის ფუნქციონირება, რაც უზრუნველყოფს მომხმარებელთა ჯანმრთელობისა და სიცოცხლის დაცვას, შიდა ბაზრის ეფექტიან ფუნქციონირებასა და ქვეყნის საექსპორტო პოტენციალის გაზრდას.

პროექტით, სტრატეგიის მიზნიდან გამომდინარე, განსაზღვრულია ექვსი (6) სტრატეგიული ამოცანა და შესაბამისად განსახორციელებელი აქტივობები. ეს ამოცანებია:

ამოცანა 1. სურსათს უვნებლობის მარეგულირებელი საკანონმდებლო ბაზის სრულყოფა, კომპეტენტურ და კერძო სექტორს შორის თანამშრომლობის გაძლიერება;

ამოცანა 2. სურსათის სახელმწიფო კონტროლის ეროვნული სისტემის ეფექტურობის გაძლიერება, უახლესი საერთაშორისო რეკომენდაციების და მეთოდური მითითებების მოთხოვნათა გათვალისწინებით;

ამოცანა 3. კრიზისული მდგომარეობის დროს გაუმჯობესებული მზადყოფნის მიღწევა;

ამოცანა 4. სურსათის უვნებლობის სისტემის მდგრადობა გაზრდა;

ამოცანა 5. თანამედროვე ციფრული ტექნოლოგიების გამოყენების შესაძლებლობების გაზრდა;

ამოცანა 6. რისკის ანალიზის შესაძლებლობების გაძლიერება;

სტრატეგიის განხორციელების ეფექტიანობის გაზომვისათვის პროექტით განსაზღვრულია ასევე შეფასებისა და მონიტორინგის კომპონენტი.

სამოქმედო გეგმის პროექტი ადგენს ამოცანების შესრულებისათვის აქტივობებს, ქვეაქტივობებს, პასუხისმგებელ უწყებებს, ვადებს და შესრულები ინდიკატორებს.