საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

პროექტი შემუშავებულია პროდუქტის უსაფრთხოებისა და თავისუფალი მიმოქცევის კოდექსის 56-ე მუხლის პირველი ნაწილის, 58-ე მუხლის მე-2 ნაწილის, სურსათის/ცხოველის საკვების უვნებლობის, ვეტერინარიისა და მცენარეთა დაცვის კოდექსის 75-ე მუხლის მე-2 ნაწილის, COMMISSION IMPLEMENTING REGULATION (EU) 2019/1715, of 30 September 2019, laying down rules for the functioning of the information management system for official controls and its system components (‘the IMSOC Regulation’) ( 2019 წლის 30 სექტემბრის კომისიის (EU) 2019/1715 რეგულაცია, რომელიც ადგენს ოფიციალური კონტროლის მექანიზმების და მისი სისტემური კომპონენტებისთვის ინფორმაციის მართვის სისტემის ფუნქციონირების წესებს ნ(IMSOC რეგულაცია) და საქართველოს კანონმდებლობით განსაზღვრულ მოთხოვნათა შესაბამისად.

პროექტის პირველი და მე-2 თავებით განსაზღვრულია მონაცემთა დაცვასთან დაკავშირებული ზოგადი მოთხოვნები და პრინციპები, ელექტრონული სერტიფიკატების გაცემისა და ოფიციალური სერტიფიკატებისთვის ელექტრონული ხელმოწერების გამოყენების საკითხები, ტერმინთა განმარტებები, IMSOC -ის კომპონენტები, ქსელები და საკონტაქტო პუნქტები, მონაცემების, ინფორმაციასა და დოკუმენტების ფლობასთან დაკავშირებული პასუხისმგებლობები, კავშირები კომპონენტებს შორის, მონაცემთა ელექტრონული გაცვლა კომპონენტებსა და სხვა ელექტრონულ სისტემებს შორის, სხვა ქვეყნებისა და საერთაშორისო ორგანიზაციებისათვის IMSOC-ზე ნაწილობრივი წვდომის მინიჭების პირობები.

პროექტი ადგენს ასევე თითოეულ კომპონენტში პერსონალური მონაცემების დამუშავების საკითხებს, RASFF-ის ქსელში კომუნიკაციის განხორციელებას, iRASFF- ში შეტყობინებათა ტიპებს, შეტყობინებების გამოხმობასა და ცვლილებებთან დაკავშირებულ პირობებს, საგანგებო ღონისძიებებს iRASFF-ისთვის,.

პროექტის მე-3 თავით დადგენილია TRACES - ში მონაცემებზე, ინფორმაციასა და დოკუმენტებზე წვდომისადმი მოთხოვნები, წევრი ქვეყნების ორგანოებს შორის თანამშრომლობა ქვეყანაში შემომავალ ტვირთებთან დაკავშირებით, საქართველოში შემომავალი ცხოველებისა და საქონლის ტვირთებისთვის ელექტრონული სერტიფიკატების გაცემისა და ელექტრონული ხელმოწერების გამოყენების წესი, მცენარეების, მცენარეული პროდუქტები და სხვა ფიტოსანიტარიული რეგულირებადი ობიექტების ექსპორტისა და რეექსპორტისთვის

ელექტრონული სერტიფიკატების გაცემისა და ელექტრონული ხელმოწერების გამოყენების წესი, ჯანმრთელობის შესახებ საერთო შესვლის დოკუმენტის ფორმატი და მისი წარდგენისა და გამოყენების ინსტრუქცია, ელექტრონული CHED - ის გამოყენება, სკპ- ებისა და კონტროლის პუნქტების ნუსხა, საცნობარო მონაცემთა სიები.

დანართი N1-ის ნაწილი 1-ში მოცემულია ჯანმრთელობის საერთო შესვლის დოკუმენტი (CHEDs), ხოლო ნაწილი 2 ადგენს ჯანმრთელობის შესახებ საერთო შესვლის დოკუმენტის („CHED“) შაბლონებს. დანართი N2-ით განსაზღვრულია სასაზღვრო კონტროლის პუნქტების სიების ფორმა, დანართი N3-ით სპეციფიკაციები და აბრევიატურები.

                                                                                                                      საკონტაქტო პირი - ქეთევან ლაფერაშვილი  ketevan.laperashvili@mepa.gov.ge