საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

საქართველოს მთავრობის დადგენილების პროექტი −„სპირტიანი სასმელების განმარტების, აღწერის, წარდგენისა და ეტიკეტირების, სხვა სურსათის წარდგენისა და ეტიკეტირებისას სპირტიანი სასმელების დასახელების გამოყენების, სპირტიანი სასმელების გეოგრაფიული აღნიშვნების დაცვის, სპირტიან სასმელებში სასოფლო-სამეურნეო წარმოშობის ეთილის სპირტისა და დისტილატების გამოყენების შესახებ“.

პროექტი შემუშავებულია პროდუქტის უსაფრთხოებისა და თავისუფალი მიმოქცევის კოდექსის 56-ე მუხლის პირველი ნაწილის, 58-ე მუხლის მე-2 ნაწილის, სურსათის/ცხოველის საკვების უვნებლობის, ვეტერინარიისა და მცენარეთა დაცვის კოდექსის 75-ე მუხლის მე-2 ნაწილის და (EU) No 2019/787 (REGULATION (EU) 2019/787 OF THE EUROPEAN PARLIAMENT AND OF THE COUNCIL, of 17 April 2019,on the definition, description, presentation and labelling of spirit drinks, the use of the names of spirit drinks in the presentation and labelling of other foodstuffs, the protection of geographical indications for spirit drinks, the use of ethyl alcohol and distillates of agricultural origin in alcoholic beverages, and repealing Regulation (EC) No 110/2008) და 2017 წლის 27 იანვრის სამრეწველო საკუთრების ოფიცილური ბიულეტენის სპეციალური გამოშვების - „ევროკავშირში დაცული სოფლის მეურნეობისა და სხვა საკვები პროდუქტების გეოგრაფიული აღნიშვნების“ დანართი N2-ის „B“ ნაწილის მოთხოვნათა გათვალისწინებით.

ტექნიკური რეგლამენტი მიზნად ისახავს სპირტიანი სასმელების წარმოების, გადამუშავების, დისტრიბუციის ეტაპებზე რეგულირების ერთიანი პრინციპების განსაზღვრას და მომხმარებელთა უფლებების დაცვას.

ტექნიკური რეგლამენტი ადგენს მოთხოვნებს სპირტიანი სასმელების (გარდა ყურძნისეული წარმოშობის ალკოჰოლიანი სასმელისა) განმარტების, აღწერის, წარდგენისა და ეტიკეტირების, ასევე სპირტიანი სასმელების გეოგრაფიული აღნიშვნით დაცვის მიმართ; ეთილის სპირტისა და დისტილატების მიმართ, რომელიც გამოიყენება ალკოჰოლიანი სასმელების წარმოებაში; სპირტიანი სასმელების გარდა, სხვა სურსათის წარდგენისა და ეტიკეტირებისას სპირტიანი სასმელების ოფიციალური დასახელებების გამოყენების მიმართ და ასევე სპირტიანი სასმელების ადგილწარმოშობის დასახელებისა და გეოგრაფიული აღნიშვნების მიმართ.

პროექტში მოცემულია ტერმინთა განმარტებები (38 ტერმინი), ზოგადი მოთხოვნები სპირტიანი სასმელების მიმართ, მოთხოვნები სასოფლო-სამეურნეო წარმოშობის სპირტის მიმართ, მოთხოვნები ალკოჰოლიან სასმელებში გამოყენებული ეთილის სპირტისა და დისტილატების მიმართ, ნარჩენების მაქსიმალური რაოდენობები, სპირტიანი სასმელების კატეგორიები.

პროექტით განსაზღვრულია სპირტიანი სასმელების წარდგენასა და ეტიკეტირებასთან დაკავშირებული მოთხოვნები, ასევე მოთხოვნები სპირტიანი სასმელების ოფიციალური დასახელების შესახებ, დამატებითი წესები სპირტიან სასმელების აღწერის, წარდგენისა და ეტიკეტირების მიმართ, ასევე წარმოშობის ადგილის მითითებასთან დაკავშირებული მოთხოვნები.

პროექტით დადგენილია ასევე სპირტიანი სასმელების ადგილწარმოშობის დასახელებისა და გეოგრაფიული აღნიშვნის პროდუქტის სპეციფიკაციებთან, რეგისტრაციასთან, დაცვასა და გამოყენებასთან დაკავშირებული საკითხები, მოთხოვნები ბიზნესოპერატორის მიმართ და შესაბამისობის კონტროლის რეგულირების საკითხები.

პროექტის დანართი N1-ით განსაზღვრულია დანართი N1 „სპირტიანი სასმელების კატეგორიები“, დანართი N2-ით - „სპეციფიკური წესები ზოგიერთ სპირტიან სასმელებთან დაკავშირებით“, ხოლო დანართი N3-ით - „საქართველოში დაცული ევროკავშირში გეოგრაფიული აღნიშვნებით დაცული სპირტიანი სასმელები“.



საკონტაქტო პირი - ქეთევან ლაფერაშვილი   ketevan.laperashvili@mepa.gov.ge