საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

საქართველოს მთავრობის დადგენილების პროექტს - "ვიტამინების, მინერალების და ზოგიერთი სხვა ნივთიერების სურსათში დამატების შესახებ“

 

მოგახსენებთ, რომ „ტექნიკური რეგლამენტი – ვიტამინების, მინერალების და ზოგიერთი სხვა ნივთიერების სურსათში დამატების შესახებ“ საქართველოს მთავრობის 2016 წლის 17 ნოემბრის N508 დადგენილება მომზადდა ევროკავშირის რეგულაცია - REGULATION (EC) No 1925/2006 OF THE EUROPEAN PARLIAMENT AND OF THE COUNCIL of 20 December 2006 on the addition of vitamins and minerals and of certain other substances to foods) კონსოლიდირებული ვერსიის საფუძველზე. აღნიშნული დადგენილების მიღების შემდეგ, რეგულაციაში, ევროკომისიის გადაწყვეტილებით, განხორციელდა ცვლილებები:

 

1.COMMISSION REGULATION (EU) 2022/860, of 1 June 2022, amending Annex III to Regulation (EC) No 1925/2006 of the European Parliament and of the Council as regards monacolins from red yeast rice

 

2.COMMISSION REGULATION (EU) 2022/2340 of 30 November 2022, amending Annex III to Regulation (EC) No 1925/2006 of the European Parliament and of the Council as regards green tea extracts containing (-)-epigallocatechin-3-gallate

 

3.COMMISSION REGULATION (EU) 2023/1065, of 1 June 2023, amending Annex II to Regulation (EC) No 1925/2006 of the European Parliament and of the Council as regards nicotinamide riboside chloride added to foods

 

4.COMMISSION REGULATION (EU) 2024/1821, of 25 June 2024, amending Annex II to Regulation (EC) No 1925/2006 of the European Parliament and of the Council and Annex II to Directive 2002/46/EC of the European Parliament and of the Council as regards iron
milk caseinate added to foods and used in the manufacture of food supplements,

 

გამომდინარე აღნიშნულიდან მომზადდა ტექნიკურ რეგლამენტში შესაბამისი ცვლილებების პროექტი.

 

კერძოდ, დაზუსტდა, რომ ტექნიკური რეგლამენტით განსაზღვრული მოთხოვნები ვრცელდება ყველა კატეგორიის სურსათზე, მათ შორის: ა) განსაკუთრებული კვებითი დანიშნულების სურსათსა (რომლისთვისაც არ არის დადგენილი სპეციალური ნორმები) და მის შემადგენლობაზე, რომელიც განპირობებულია იმ მომხმარებელთა კვებითი მოთხოვნების თავისებურებებით, ვისთვისაც განკუთვნილია ეს სურსათი; ბ) ახალი სახეობის სურსათსა და ახალი სახეობის სასურსათო ინგრედიენტებზე; გ) გენეტიკურად მოდიფიცირებულ სურსათზე; დ) საკვებდანამატებსა და არომატიზატორებზე; ე) ავტორიზებულ (დაშვებულ) ენოლოგიურ პრაქტიკასა და პროცესებზე“.

 

დანართი N2-ში, „ვიტამინების ფორმები და მინერალური ნივთიერებები, რომლებიც შესაძლებელია დამატებულ იქნას სურსათში“ დამატებული იქნა „ნიკოტინმჟავის რიბოზიდის ქლორიდი“ და „რკინით გამდიდრებული რძის კაზეინატი“.

 

ასევე დანართი №3-ში „ნივთიერებები, რომელთა გამოყენება სურსათში აკრძალულია, შეზღუდულია ან ექვემდებარება გამოკვლევას“ „ბ“ ნაწილში - „შეზღუდული ნივთიერებები“, დაემატა „მონაკოლინები - მიღებული ბრინჯის წითელი საფუვრით ფერმენტაციით,“ და „მწვანე ჩაის ექსტრაქტები, რომლებიც შეიცავს (-) - ეპიგალოკატექინ - 3 -გალატს“, ასევე განისაზღვრა მათი გამოყენების პირობები და დამატებითი მოთხოვნები.

 

გარდა აღნიშნულისა, მიზანშეწონილად მიგვაჩნია საქართველოს მთავრობის 2016 წლის 13 ივნისის დადგენილება N262-ის - „სურსათში ტრანსცხიმის ნორმის განსაზღვრის შესახებ” გაუქმება, რამდენადაც სურსათში ტრანსცხიმთან დაკავშირებული ნორმა დარეგულირებულია „ტექნიკური რეგლამენტი – ვიტამინების, მინერალების და ზოგიერთი სხვა ნივთიერების სურსათში დამატების შესახებ“ საქართველოს მთავრობის 2016 წლის 17 ნოემბრის N508 დადგენილებით. ამ ცვლილებებით კი დამატებით მოთხოვნად განისაზღვრა, რომ „დაუშვებელია საქართველოს კანონმდებლობით განსაზღვრულ ჩვილ ბავშვთა და სკოლამდელი ასაკის ბავშვთა კვებისათვის განკუთვნილი სურსათი შეიცავდეს ტრანსცხიმს.“

 

გაზიარება