საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

„ატმოსფერული ჰაერის დაცვის შესახებ“ საქართველოს კანონისა და საქართველო-ევროკავშირს შორის ასოცირების შესახებ შეთანხმების ვალდებულებების შესაბამისად, შემუშავდა და საქართველოს მთავრობის 2025 წლის 27 აგვისტოს N1438 განკარგულებით დამტკიცდა შავი ზღვის ზონის ატმოსფერული ჰაერის ხარისხის მართვის 2025-2027 წლების გეგმა. ატმოსფერული ჰაერის ხარისხის მონიტორინგისა და მართვის შავი ზღვის ზონა მოიცავს აჭარის, გურიის, სამეგრელო-ზემო სვანეთისა და აფხაზეთის სანაპიროზე მდებარე მუნიციპალიტეტებს. გეგმა მიზნად ისახავს შავი ზღვის ზონაში ჰაერის ხარისხის გაუმჯობესებას, განსაკუთრებული ყურადღება ეთმობა ქ. ბათუმს.

გეგმა შემუშავდა ევროკავშირის მხარდაჭერით, სამინისტროს მიერ შექმნილი სამუშაო ჯგუფის ფარგლებში, რომელშიც ჩართული იყვნენ სამთავრობო უწყებების, ადგილობრივი ხელისუფლების, საქართველოს პარლამენტისა და არასამთავრობო ორგანიზაციის წარმომადგენლები. გეგმა შემუშავებულია „პოლიტიკის დოკუმენტების შემუშავების, მონიტორინგისა და შეფასების წესის დამტკიცების შესახებ“ საქართველოს მთვარობის 20.12.2019 წლის №629 დადგენილების შესაბამისად.“