საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

პროექტი - ჩაის შესახებ ტექნიკური რეგლამენტი

სურსათის პოლიტიკის დეპარტამენტში, ა(ა)იპ საქართველოს აგრარული უნივერსიტეტის ჩაის, სუბტროპიკული კულტურებისა და ჩაის მრეწველობის ინსტიტუტთან მჭიდრო თანამშრომლობით, შემუშავდა მთავრობის დადგენილების პროექტი - „ჩაის შესახებ ტექნიკური რეგლამენტი“.


პროექტი მომზადდა საერთაშორისო სტანდარტების - ISO 6078 - Black tea. Vocabulary, ISO 6079:2021- Instant tea in solid form – Specification, ISO 3720 -Black tea. Definition and basic requirements, ISO 11287- Green tea — Definition and basic requirements, EUROPEAN TEA COMMITTEE COMITE EUROPEEN DU THE COMPENDIUM OF GUIDELINES FOR TEA და საქართველოს აგრარული უნივერსიტეტის ჩაის, სუბტროპიკული კულტურებისა და ჩაის მრეწველობის ინსტიტუტის მიერ შემუშავებული სტანდარტების მოთხოვნათა გათვალისწინებით.


ტექნიკური რეგლამენტი ადგენს მოთხოვნებს სხვადასხვა სახეობის მცენარე ჩაის, ჩაის ბუჩქის ანუ ჩინური კამელიას Camellia sinensis (L) O. Kuntze - ს დუყისგან დამზადებული სასმელის - ჩაის მიმართ და აწესრიგებს ბიზნესოპერატორის მიერ ჩაის წარმოების, გადამუშავებისა და ბაზარზე განთავსების პირობებს.


განისაზღვრა რეგულირების ობიექტები - ჩაი შავი/შავი ჩაი; ჩაი მწვანე/მწვანე ჩაი; ჩაი წითელი; ჩაი ყვითელი; ჩაი თეთრი; ჩაი გრანულირებული (ან CTC); ჩაი დაწნეხილი (აგურა ან ფილა); ჩაი შავი და მწვანე, მცენარეული წარმოშობის პროდუქტებით ან/და არომატიზატორებით; ჩაი ხსნადი/ხსნადი ჩაი; ჩაი ხსნადი, მცენარეული წარმოშობის პროდუქტებით ან/და არომატიზატორებით.


ტექნიკურმა რეგლამენტმა განსაზღვრა ტერმინთა განმარტებები, მათ შორის ტერმინები ჩაის ფოთლის გადამუშავების ტექნოლოგიურ პროცესებთან და მეთოდებთან დაკავშირებით, ჩაის ხარისხის საერთაშორისო აღნიშვნები, ჩაის და ჩაის პროდუქციის ბაზარზე განთავსების პირობები, მოთხოვნები რეგულირების ობიექტის მიმართ, რეგულირების ობიექტის შესაბამისობის კონტროლი.
გაზიარება