საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

დადგენილების პროექტი - „ხორბლის შესახებ ტექნიკური რეგლამენტი“

პროექტი მომზადდა ევროკომისიის რეგულაცია COMMISSION DELEGATED REGULATION (EU) 2016/1238 of 18 May 2016 supplementing Regulation (EU) No 1308/2013 of the European Parliament and of the Council with regard to public intervention and aid for private storage და Codex alimentarius - ის და საერთაშორისო სტანდარტის - Codex Standard 199-1995, STANDARD FOR WHEAT AND DURUM WHEAT -ის მოთხოვნათა გათვალისწინებით. 

 

ტექნიკური რეგლამენტი ადგენს მოთხოვნებს ადამიანის მიერ სურსათად მოხმარებისათვის განკუთვნილი ხორბლის (Triticum aestivum L.,) სხვადასხვა ჯიშების და მაგარი ხორბლის (Triticum durum Desf.,) მიმართ და აწესრიგებს ბიზნესოპერატორის მიერ ხორბლის და მაგარი ბაზარზე განთავსების, ექსპორტისა და იმპორტის პირობებს. ამასთან, ტექნიკური რეგლამენტით განსაზღვრული მოთხოვნები არ ვრცელდება ოჯახური წარმოების სუბიექტზე, რომელიც ხორბალს ან/და მაგარ ხორბალს აწარმოებს პირადი მოხმარების მიზნით, ქონდარა/წითელმარცვალა ხორბალზე (Triticum compactum Host.,), არასასურსათო დანიშნულების ხორბალზე და წითელმარცვალა მაგარ ხორბალზე. ოჯახური წარმოების სუბიექტზე ვრცელდება საქართველოს კანონმდებლობით განსაზღვრული ფიტოსანიტარიული კონტროლი.

 

დადგენილების პროექტი მიზნად ისახავს ხორბლის და მაგარი ხორბლის ბაზარზე განთავსების, ასევე ქვეყნის შიგნით და ქვეყნებს შორის მიმოქცევის ეტაპებზე რეგულირების ერთიანი პრინციპების განსაზღვრას და მომხმარებელთა უფლებების დაცვას, ადგენს ჰიგიენის მოთხოვნებს მწარმოებელ ბიზნესოპერატორის მიმართ, მოთხოვნებს ხორბლის და მაგარი ხორბლის ექპორტისა და იმპორტისათვის, ასევე საქართველოს ტერიტორიაზე ხორბლის და მაგარი ხორბლის სარკინიგზო, საზღვაო და საავტომობილო მიმოსვლისათვის გახსნილი საბაჟო-გამშვები პუნქტის გავლით შემოტანასთან დაკავშირებულ მოთხოვნებს.

 

პროექტით განსაზღვრულია სპეციფიკური მოთხოვნები როგორც ხორბლის და მაგარი ხორბლის მიმართ, ასევე ბიზნესოპერატორი მიმართ, რომლის საქმიანობაც დაკავშირებულია ხორბლის ბაზარზე განთავსებასთან. პროექტის თანახმად, ბაზარზე განთავსებამდე ხორბალი და მაგარი ხორბალი განთავსებული უნდა იქნეს ელევატორში.

 

პროექტით დადგენილია ხორბლისა და მაგარი ხორბლის ექსპორტისა და იმპორტის პირობები, რომლის თანახმადაც, ხორბლის და მაგარი ხორბლის გაუსნებოვნებისთვის გამოყენებული პრეპარატი უნდა იქნეს რეგისტრირებული; საქართველოდან ექსპორტირებული ხორბალი და მაგარი ხორბალი უნდა შეესაბამებოდეს ამ ტექნიკური რეგლამენტით დადგენილ მოთხოვნებს, იმ შემთხვევის გარდა, როდესაც სხვა რამ მოითხოვება მიმღები ქვეყნის მიერ. დადგენილია ასევე მოთხოვნები საქართველოს ტერიტორიაზე ხორბლის და მაგარი ხორბლის იმპორტისათვის, როგორც სარკინიგზო და საზღვაო მიმოსვლისათვის გახსნილი საბაჟო-გამშვები პუნქტის გავლით, ისე საავტომობილო მიმოსვლისათვის გახსნილი საბაჟო გამშვები პუნქტების გავლით.

გაზიარება