საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

ტექნიკური რეგლამენტი - სურსათთან შეხებისათვის განკუთვნილი აქტიური და „გონიერი“ მასალებისა და საგნების შესახებ.

„სანიტარიული და ფიტოსანიტარიული ზომების“ ფარგლებში 2026 წლისათვის აღებული ვალდებულებების შესრულების მიზნით, წარმოგიდგენთ საქართველოს მთავრობის დადგენილების პროექტს - ტექნიკური რეგლამენტი - „სურსათთან შეხებისათვის განკუთვნილი აქტიური და „გონიერი“ მასალებისა და საგნების შესახებ.“ პროექტი შემუშვებულია 2009 წლის 29 მაისის კომისიის (EC) №450/2009 რეგულაციის სურსათთან შეხებაში მყოფი აქტიური და „გონიერი“ მასალებისა და ნივთების თაობაზე (COMMISSION REGULATION (EC) No 450/2009, of 29 May 2009, on active and intelligent materials and articles intended to come into contact with food)- ის მოთხოვნების შესაბამისად.

 

პროექტით დადგენილია სპეციფიკური მოთხოვნები სურსათთან შეხებისათვის განკუთვნილი აქტიური და „გონიერი“ მასალებისა და საგნების ბაზარზე განთავსებისათვის, ეს მოთხოვნები გამოყენებული უნდა იქნეს საქართველოს კანონმდებლობით განსაზღვრულ სურსათთან შეხებისათვის განკუთვნილი მასალებისა და საგნების მარეგულირებელ კანონმდებლობასთან ერთად.

 

პროექტში მოცემულია ტერმინთა განმარტებები, აქტიური და ინტელექტუალური მასალებისა და საგნების ბაზარზე განთავსების პირობები, ის ნივთიერებები, რომელთა გამოყენება შესაძლებელია აქტიურ და „გონიერ“ კომპონენტებში, ავტორიზებულ ნივთიერებათა სიაში ნივთიერებების შეტანის პირობები, ავტორიზებული ნივთიერებების სიის შინაარსი, რომელიც მოიცავს ნივთიერებ(ებ)ის დასახელებას, ნივთიერებ(ებ)ის ფუნქციას, საცნობარო ნომერს, საჭიროების შემთხვევაში, ნივთიერებ(ებ)ის ან კომპონენტის გამოყენების პირობებსა და ნივთიერებ(ებ)ის გამოყენების შეზღუდვებსა და/ან სპეციფიკაციებს, ასევე, საჭიროების შემთხვევაში, იმ მასალის ან საგნის გამოყენების პირობებს, რომელსაც ეს ნივთიერება ან კომპონენტი ემატება ან, რომელშიც ეს ნივთიერება შედის.

 

პროექტი განსაზღვრავს იმ ნივთიერებების გამოყენების პირობებს, რომლებიც არ შედის ავტორიზებული ნივთიერებების სიაში და, ასევე, მომხმარებლის მიერ საკვებად უვარგისი ნაწილების იდენტიფიცირების შესაძლებლობის უზრუნველსაყოფად, ეტიკეტირების დამატებით წესებს. პროექტის თანახმად, წარმოების, დისტრიბუციისა და რეალიზაციის ეტაპებზე, გარდა საბოლოო მომხმარებლისათვის მიწოდებისა, აქტიურ და „გონიერ“ მასალებსა და საგნებს, მიუხედავად იმისა, არიან თუ არა ისინი უშუალოდ შეხებაში სურსათთან, ან კომპონენტებთან, რომლებიც განკუთვნილია ამ მასალებისა და საგნების წარმოებისათვის, ან ნივთიერებებთან, რომლებიც განკუთვნილია ამ კომპონენტების წარმოებისათვის, თან უნდა ახლდეს წერილობითი შესაბამისობის დეკლარაცია.

დადგენილია ასევე ბიზნესოპერტორის ვალდებულება, რომლის თანახმად, შესაბამისი დოკუმენტაცია, რომელიც ადასტურებს, რომ აქტიური და „გონიერი“ მასალები და საგნები, აგრეთვე მათი წარმოებისთვის განკუთვნილი კომპონენტები აკმაყოფილებს ამ ტექნიკური რეგლამენტით განსაზღვრულ მოთხოვნებს, ბიზნესოპერატორის მიერ მოთხოვნის შემთხვევაში წარდგენილი უნდა იქნეს სააგენტოსთვის.


პროექტი მოიცავს ორ დანართს. დანართი N1-ით დადგენილია სიმბოლო, ხოლო დანართი N2-ის განსაზღვრულია იმ ინფორმაციის ჩამონათვალი, რომელსაც უნდა შეიცავდეს წერილობითი შესაბამისობის დეკლარაცია

გაზიარება