საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

საქართველოს გარემოს დაცვისა და სოფლის მეურნეობის სამინისტრო ახორციელებს საქართველოს მდგრადი სოფლის მეურნეობის, ირიგაციისა და მიწის პროექტს (GRAIL), რომელიც მსოფლიო ბანკისა და საქართველოს მთავრობის თანადაფინანსებით ხორციელდება. პროექტის ყოველდღიურ მართვას უზრუნველყოფს სამინისტროს ფარგლებში შექმნილი პროექტის განმახორციელებელი ერთეული, რომლის ფუნქციებს შორისაა, მათ შორის, შესყიდვების განხორციელება, ხელშეკრულებების მართვა, ასევე გარემოსდაცვითი და სოციალური რისკების მართვა.


პროექტის ერთ-ერთ ქვეპროექტს წარმოადგენს მცხეთა-მთიანეთის რეგიონის დუშეთის მუნიციპალიტეტში მდებარე ნარეკვავის სარწყავი სისტემის რეაბილიტაცია და მოდერნიზაცია. სამშენებლო - სარეაბილიტაციო სამუშაოებს განახორციელებს პროექტის განმახორციელებელი ერთეულის მიერ შერჩეული სამშენებლო კომპანია (შემდგომში – კონტრაქტორი), ხოლო სამუშაოების ტექნიკურ ზედამხედველობას, მათ შორის გარემოსდაცვითი და სოციალური საკითხების ზედამხედველობას, უზრუნველყოფს პროექტის განმახორციელებელი ერთეულის მიერ დაქირავებული საინჟინრო კომპანია (შემდგომში – ინჟინერი).


დაგეგმილი სამუშაოები მოიცავს არსებული სათავე ნაგებობის რეაბილიტაციას, დაზიანებული წყალმიმღები და მარეგულირებელი ფარების შეცვლას, მთავარი არხის გაწმენდასა და რეაბილიტაციას, ასევე დაზიანებული ჰიდროტექნიკური ნაგებობების – აკვედუკის, სიფონის, წყალგამტარი მილების, საფეხმავლო ხიდებისა და წყალგამანაწილებელი ნაგებობების (გამშვებების) რეკონსტრუქციასა ან შეცვლას, რაც უზრუნველყოფს სარწყავი სისტემის საიმედო ფუნქციონირების აღდგენას.