საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

ევროკავშირთან ასოცირების ხელშეკრულების - ღრმა და ყოვლისმომცველი თავისუფალი სავაჭრო სივრცის შესახებ შეთანხმების (DCFTA) მე-4 თავის - „სანიტარიული და ფიტოსანიტარიული ზომების“ ფარგლებში, სურსათის უვნებლობის სფეროში 2026 წლისათვის აღებული ვალდებულებების შესრულების მიზნით, წარმოგიდგენთ საქართველოს მთავრობის დადგენილების პროექტს - „ტექნიკური რეგლამენტი - სურსათსა და სურსათის ინგრედიენტებში გამოყენებული ექსტრაქციული გამხსნელების შესახებ“ , რომელიც მომზადებულია DIRECTIVE 2009/32/EC OF THE EUROPEAN PARLIAMENT AND OF THE COUNCIL of 23 April 2009 on the approximation of the laws of the Member States on extraction solvents used in the production of foodstuffs and food ingredients- ის, L 25, 67, 27.1.2023 კონსოლიდირებული ვერსიის მოთხოვნების შესაბამისად და განმარტებით ბარათს.ტექნიკური რეგლამენტის პროექტის მიზანია სურსათისა და სურსათის ინგრედიენტების წარმოებისას გამოყენებული ექსტრაქციული გამხსნელების მიმართ ერთიანი მოთხოვნების დადგენა, ადამიანის ჯანმრთელობისა და მომხმარებელთა უფლებების დაცვა და სურსათის უვნებლობის უზრუნველყოფა.პროექტი განსაზღვრავს სურსათსა და სურსათის ინგრედიენტებში გამოყენებისთვის დაშვებული ექსტრაქციული გამხსნელების ჩამონათვალს, მათი გამოყენების პირობებსა და სფეროებს, სურსათში მათი ნარჩენების მაქსიმალურ დასაშვებ ზღვრებს, ექსტრაქციული გამხსნელების სისუფთავის კრიტერიუმებს, ეტიკეტირებისა და შესაბამისი ინფორმაციის მიწოდების მოთხოვნებს.

დანართი N1-ით განსაზღვრულია დაშვებული ექსტრაქციული გამხსნელები. გამხსნელების გამოყენების პირობები, ცალკეული გამხსნელებისთვის განსაზღვრულია სხვადასხვა ზღვარი მათი გამოყენების სფეროსა და სურსათის სახეობის მიხედვით. დაუშვებელია დანართით გაუთვალისწინებელი ნივთიერებების გამოყენება ან დადგენილი ნარჩენების მაქსიმალური დასაშვები ზღვრების გაზრდა.


პროექტით დადგენილია, რომ ექსტრაქციული გამხსნელები უნდა აკმაყოფილებდეს სისუფთავის შესაბამის კრიტერიუმებს და არ უნდა შეიცავდეს ადამიანის ჯანმრთელობისთვის ტოქსიკოლოგიურად საშიში რაოდენობის
ნივთიერებებს.


ასევე დადგენილია ეტიკეტირების მოთხოვნები. 

ტექნიკური რეგლამენტის მოთხოვნები გავრცელდება საქართველოში წარმოებულ და იმპორტირებულ სურსათსა და სურსათის ინგრედიენტებში გამოყენებულ ან გამოსაყენებლად განკუთვნილ ექსტრაქციულ გამხსნელებზე.


პროექტი ითვალისწინებს რეგლამენტის მოთხოვნების მომავალში ცვლილების შესაძლებლობას სამეცნიერო ტექნიკური პროგრესისა და ახალი სამეცნიერო ინფორმაციის გათვალისწინებით. ადამიანის ჯანმრთელობისთვის შესაძლო საფრთხის გამოვლენის შემთხვევაში შესაძლებელია შესაბამისი მოთხოვნების ცვლილება ან რეგლამენტის მოქმედების დროებით შეჩერება.


გარდამავალი დებულების თანახმად, დადგენილების ამოქმედებამდე ბაზარზე განთავსებული და ახალ მოთხოვნებთან შეუსაბამო ექსტრაქციული გამხსნელები შესაძლებელია დარჩეს ბაზარზე მათი „გამოყენებამდე ვადის“ ან „შენახვის ვადის“ გასვლამდე.