საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

ტექნიკური რეგლამენტი - Xylella fastidiosa (Wells et al.) - ს ქვეყანაში შემოჭრისა და გავრცელების თავიდან აცილების სალიკვიდაციო ღონისძიებები

პროექტი შემუშავებული იქნა მცენარეთა დაცვის სამუშაო ჯგუფის ფარგლებში, კომისიის 2020 წლის 14 აგვისტოს დამნერგავი რეგულაციის 2020/1201 საფუძველზე, რომელიც ადგენს Xylella fastidiosa-ს ევროკავშირში შემოჭრისა და მისი კავშირის ფარგლებში გავრცელების პრევენციის მიზნით გასატარებელ ზომებს (Commission Implementing Regulation (EU) 2020/1201 of 14 August 2020 as regards measures to prevent the introduction into and the spread within the Union of Xylella fastidiosa).

 

ამ წესის მიღებით მოხდება საკარანტინო მავნე ორგანიზმის Xylella fastidiosa (Wells et al.)-ს ქვეყანაში შემოჭრისა და გავრცელების თავიდან აცილება, სათანადო სალიკვიდაციო ღონისძიებების გატარებით.

 

დასახელებული პროექტი განხილულ იქნა სამუშაო ჯგუფის და სამიზნე ჯგუფების წარმომადგენლებთან.

 

ამ წესის შესრულებას კომპეტენციის ფარგლებში უზრუნველყოფს: სსიპ სურსათის ეროვნული სააგენტო, სსიპ - შემოსავლების სამსახური; სსიპ - სოფლის მეურნეობის სამეცნიერო-კვლევითი ცენტრი; სოფლის მეურნეობის სახელმწიფო ლაბორატორია.

 

წესი ამოქმედდება 2028 წლის 1 იანვრიდან.

საკონტაქტო პირი: მცენარეთა დაცვის სამუშაო ჯგუფის ხელმძღვანელი, ქალბატონი მანანა გაბრუაშვილი (manana.gabruashvili@mepa.gov.ge 551404811).

გაზიარება