საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

„ერთი მხრივ, საქართველოსა და მეორე მხრივ, ევროკავშირსა და ევროპის ატომური ენერგიის გაერთიანების და მათ წევრ სახელმწიფოებს შორის ასოცირების შესახებ შეთანხმების“ ღრმა და ყოვლისმომცველი თავისუფალი სავაჭრო სივრცის (DCFTA) შეთანხმების ფარგლებში, სურსათის უვნებლობის, ვეტერინარიისა და მცენარეთა დაცვის სფეროებში, საქართველოს კანონმდებლობის ევროკავშირის კანონმდებლობასთან დაახლოების მიზნით ნორმატიული აქტების პროექტების მოსამზადებლად შექმნილმა სამუშაო ჯგუფმა ვეტერინარიის სფეროში დაასრულა მუშაობა - ,,სიით განსაზღვრული ზოგიერთი და ახალაღმოცენებადი დაავადებების ზედამხედველობის, აღმოფხვრის პროგრამებისა და დაავადებისაგან თავისუფალი სტატუსის წესის დამტკიცების შესახებ“ -საქართველოს მთავრობის დადგენილების პროექტზე, რომელიც ეფუძნება supplementing Regulation (EU) 2016/429 of the European Parliament and of the Council as regards rules for surveillance, eradication programmes, and disease-free status for certain listed and emerging diseases განსაზღვრულ მოთხოვნებს.

წესის პროექტის მომზადებისას ასევე გამოყენებული იქნა სხვა ევრორეგულაციებიც, როგორიცაა Regulation (EU) 2016/429 of the European Parliament and of the Council of 9 March 2016 on transmissible animal diseases and amending and repealing certain acts in the area of animal health (‘Animal Health Law’) და Commission Delegated Regulation (EU) 2020/687 of 17 December 2019 supplementing Regulation (EU) 2016/429 of the European Parliament and the Council, as regards rules for the prevention and control of certain listed diseases. წესი ადგენს ცხოველიდან ცხოველზე ან ადამიანზე გადამდები სიით განსაზღვრული ზოგიერთი და ახალაღმოცენებადი დაავადებების ზედამხედველობის, აღმოფხვრის პროგრამებისა და დაავადებისაგან თავისუფალი სტატუსის მინიჭების წესებს და ითვალისწინებს:

ა) ზედამხედველობის დიზაინს, მათ შორის ცხოველთა სამიზნე პოპულაციას და დიაგნოსტიკურ მეთოდებს;

ბ) დაავადების დადასტურებას და შემთხვევის განმარტებას;

გ) ზედამხედველობის პროგრამებს.

 ასევე დაავადებების აღმოფხვრის პროგრამებთან დაკავშირებულ მოთხოვნებს შემდეგ  საკითხებთან დაკავშირებით:

ა) დაავადებების კონტროლის სტრატეგია, ტერიტორია, ცხოველთა პოპულაციები, მიზნები და გამოყენების პერიოდი;

ბ) ბიზნესოპერატორისა და სააგენტოს ვალდებულებები;

გ) დაავადებების კონტროლის ზომებს საეჭვო და დადასტურებულ შემთხვევებში. 

ხმელეთის და წყლის ცხოველების ზოგიერთი დაავადებებისთვის თავისუფალ სტატუსთან დაკავშირებულ მოთხოვნებს, კერძოდ:

ა) ქვეყნისა და ზონების დაავადებაზე თავისუფალი სტატუსის დამტკიცების კრიტერიუმებს;

ბ) აკვაკულტურის ცხოველების შემნახველი კომპარტმენტებისთვის დაავადებაზე თავისუფალი სტატუსის მინიჭების კრიტერიუმებს;

გ) დაავადებაზე თავისუფალი სტატუსის შენარჩუნების კრიტერიუმებს;

დ) დაავადებაზე თავისუფალი სტატუსის შეჩერებას, გაუქმებასა და აღდგენას.

საკონტაქტო პირი მაია ბერუაშვილი,  maia.beruashvili@mepa.gov.ge,  ტელეფონი 595 530194.