საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

განცხადება სს „საქართველოს სახელმწიფო ელექტროსისტემას“ „110 კვ ძაბვის ორჯაჭვა ელექტროგადამცემი ხაზის ,,მესტიაჭალა 1,2’’-ის მშენებლობის და არსებული ეგხ ,,იფარი-მესტია’’-ს რეკონსტრუქციის“ პროექტის საჯარო განხილვის შესახებ

მიმდინარე წლის 6 სექტემბერს, სსე "საქართველოს სახელმწიფო ელექტროსისტემამ“ სამინისტროში წარმოადგინა გარემოსდაცვითი გადაწყვეტილების მიღების თაობაზე განცხადება “110 კვ ეგხ ,,მესტიაჭალა 1,2’’-ს მშენებლობის და არსებული ეგხ ,,იფარი-მესტია’’-ს რეკონსტრუქციის პროექტზე”. (იხ. ელ. ბმული http://mepa.gov.ge/Ge/PublicInformation/82).

აღნიშნული პროექტის საჯარო განხილვა  დაგეგმილი იყო მიმდინარე წლის 9 ნოემბერს, მესტიის მუნიციპალიტეტის მერიის ადმინისტრაციულ შენობაში. (იხ. ელ. ბმული http://mepa.gov.ge/Ge/PublicInformation/165).

მიმდინარე წლის 8 ნოემბერს, საქართველოს სახელმწიფო ელექტროსისტემამ წარმოადგინა „110 კვ ძაბვის ორჯაჭვა ელექტროგადამცემი ხაზის ,,მესტიაჭალა 1,2’’-ის მშენებლობის და არსებული ეგხ ,,იფარი-მესტია’’-ს რეკონსტრუქციის“ პროექტთან დაკავშირებით დამატებითი საინჟინრო-გეოლოგიური კვლევის მასალები და სამინისტროს მიმართა მიმდინარე წლის 9 ნოემბერს, მესტიის მუნიციპალიტეტში დაგეგმილი საჯარო განხილვის გადადების თაობაზე. შესაბამისად, აღნიშნულმა გამოიწვია არა ადმინისტრაციული წარმოების შეწყვეტა, არამედ შეჩერება.

აღნიშნული მიმართვის საფუძველზე შეჩერდა ადმინისტრაციული წარმოება გარემოსდაცვითი გადაწყვეტილების გაცემის მიზნით და გადაიდო მესტიის მუნიციპალიტეტში, მიმდინარე წლის 9 ნოემბერს დაგეგმილი საჯარო განხილვა  (იხ. ელ. ბმული http://mepa.gov.ge/Ge/PublicInformation/1226).

მიმდინარე წლის 30 ნოემბერს, საქართველოს სახელმწიფო ელექტროსისტემამ  სამინისტროში წარმოადგინა წერილი, რომლის თანახმად საპროექტო ტერიტორიაზე ჩატარებულმა საინჟინრო-გეოლოგიურმა კვლევამ დაადასტურა, რომ არ არსებობს  პროექტის ცვლილების საჭიროება. შესაბამისად, კომპანიამ ითხოვა პროცესის განახლება და საჯარო განხილვის ჩანიშვნა.

აღსანიშნავია, რომ პროექტში ცვლილებები არ შესულა, რაც გულისხმობს, რომ სამინისტროს ვებ. გვერდზე განთავსებული დოკუმენტაცია უცვლელი დარჩა და მისი განხილვა მოხდება საჯარო განხილვის ფორმატში.  ვინაიდან განსახილველ საკითხზე დროებით შეჩერდა წარმოება, თუმცა დოკუმენტაცია დარჩა უცვლელი და ის ხელმისაწვდომი იყო საზოგადოებისათვის მიმდინარე წლის 14 სექტემბრიდან (საინჟინრო-გეოლოგიური კვლევის მასალები 9 ნოემბრიდან) სამინისტრო ითვალისწინებს რა როგორც კერძო, ასევე საზოგადოების ინტერესებს,  დამატებით აძლევს ვადას დაინტერესებულ საზოგადოებას გაეცნოს აღნიშნულ პროექტს და წარმოადგინოს საკუთარი მოსაზრებები

ზემოაღნიშნულიდან გამომდინარე, სს „საქართველოს სახელმწიფო ელექტროსისტემას“ „110 კვ ძაბვის ორჯაჭვა ელექტროგადამცემი ხაზის ,,მესტიაჭალა 1,2’’-ის მშენებლობის და არსებული ეგხ ,,იფარი-მესტია’’-ს რეკონსტრუქციის“ პროექტის გარემოზე ზემოქმედების შეფასების ანგარიშის საჯარო განხილვა გაიმართება

2018 წლის 18 დეკემბერს 12:00 საათზე, მესტიის მუნიციპალიტეტის მერიის ადმინისტრაციულ შენობაში

საჯარო განხილვა ღიაა, მასში მონაწილეობის, ასევე შენიშვნებისა და მოსაზრებების წარდგენის უფლება აქვს საზოგადოების ნებისმიერ წარმომადგენელს.

პროექტის დოკუმენტაციასთან დაკავშირებული  შენიშვნები და მოსაზრებები ასევე შეგიძლიათ წარუდგინოთ სამინისტროს 2018 წლის 24 დეკემბრის ჩათვლით, მისამართზე: ქ.თბილისი, მარშალ გელოვანის გამზირი N6, ან ელ.ფოსტის  მისამართზე eia@mepa.gov.ge.


ასევე, მოთხოვნის შემთხვევაში, სამინისტრო უზრუნველყოფს “გარემოსდაცვითი შეფასების კოდექსით” გათვალისწინებული გადაწყვეტილების მიღებისთვის საჭირო დოკუმენტაციის მიწოდებას  ნაბეჭდი სახით.

 

გარემოსდაცვითი გადაწყვეტილების მიღების თაობაზე განცხადება

გარემოზე ზემოქმედების შეფასების ანგარიში

არატექნიკური რეზიუმე

Shape Files

დანართი

წერილი 12.11.2018

წერილი 08.11.2018

 

გაზიარება