საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

მიმდინარე წლის 30 ნოემბერს განთავსდა განცხადება საქართველოს საავტომობილო გზების დეპარტამენტის ბაკურციხე-წნორის (16კმ) გზის მშენებლობისა და ექსპლუატაციის პროექტის თაობაზე. 

სამინისტრომ პროექტის სიღრმისეული განხილვისა და საფუძვლიანი შესწავლის მიზნით, მიზანშეწონილად მიიჩნია გარემოსდაცვითი გადაწყვეტილების გაცემის მიზნით დაწყებული ადმინისტრაციული წარმოების ვადის 2019 წლის 9 იანვრამდე გაგრძელება, აღნიშნულ განცხადებაზე ადმინისტრაციული წარმოება მიმდინარეობს "გარემოსდაცვითი შეფასების კოდექსის" 48-ე მუხლის პირველი ნაწილის შესაბამისად, რომლის თანახმად, 2018 წლის 1 იანვრამდე „გარემოზე ზემოქმედების ნებართვის შესახებ“ საქართველოს კანონის შესაბამისად დაწყებული ადმინისტრაციული წარმოების შემთხვევაში, გარემოსდაცვითი გადაწყვეტილება გაიცემა 2018 წლის 1 იანვრამდე გარემოზე ზემოქმედების ნებართვის გაცემისთვის დადგენილი წესით. 

ზემოაღნიშნულიდან გამომდინარე, საზოგადოებისგან შენიშვნების მიღების ვადად განისაზღვრა- მიმდინარე წლის 26 დეკემბრამდე. აღნიშნულის შესაბამისად, ჩასწორდება სამინისტროს ვებ. გვერდზე განთავსებული 30 ნოემბრის განცხადება (იხ. ელ. ბმული http://mepa.gov.ge/Ge/PublicInformation/3264 ).