საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

გარემოსდაცვითი გადაწყვეტილების მიღების თაობაზე - შუახევი-ხულოს (ხიჭაურის დასახლებიდან გოდერძის უღელტეხილამდე) P=6კგ/სმ2 გაზგამანაწილებელი ქსელის მშენებლობისა და ექსპლუატაციის პროექტი

დაგეგმილი საქმიანობის დასახელება: 54 კმ. სიგრძის ბუნებრივი აირის მილსადენის მშენებლობა და ექსპლუატაცია (5 კილომეტრი ან მეტი სიგრძის მილსადენის განთავსება გაზის, ორთქლისა და ცხელი წყლის გატარებისათვის).

დაგეგმილი საქმიანობის ადგილმდებარეობა: შუახევისა და ხულოს მუნიციპალიტეტები

დაგეგმილი საქმიანობის განმახორციელებელი: შპს „გაზპროექტი 2009“

2019 წლის 15 იანვარს შპს „გაზპროექტი 2009“-მ სამინისტროში წარმოადგინა  განცხადება,  "შუახევი-ხულოს (ხიჭაურის დასახლებიდან გოდერძის უღელტეხილამდე) P=6კგ/სმ2 გაზგამანაწილებელი ქსელის მშენებლობისა და ექსპლუატაციის პროექტი", გარემოსდაცვითი გადაწყვეტილების მიღების თაობაზე.

გარემოს დაცვისა და სოფლის მეურნეობის სამინისტროს 2019 წლის 17 იანვრის N 497/01 წერილის თანახმად საქართველოს ზოგადი ადმინისტრაციული კოდექსის 83-ე მუხლის საფუძველზე აღნიშნულ პროექტზე სამინისტრომ  შეაჩერა ადმინისტრაციულ წარმოება.

ზემოაღნიშნულის პასუხად შპს „გაზპროექტი 2009“-მ „გარემოსდაცვითი შეფასების კოდექსის“ მე-11 მუხლის მე-2 ნაწილის „ბ“ ქვეპუნქტის თანახმად დამატებით წარმოადგინა ატმოსფერულ ჰაერში მავნე ნივთიერებათა ზღვრულად დასაშვები გაფრქვევის ნორმების პროექტი, რის საფუძველზეც სამინისტრო აგრძელებს ადმინისტრაციულ წარმოებას.

დაგეგმილი საქმიანობის გარემოზე ზემოქმედების შეფასების ანგარიშთან დაკავშირებული წერილობითი შენიშვნები და მოსაზრებები შეგიძლიათ წარუდგინოთ  საქართველოს გარემოს დაცვისა და სოფლის მეურნეობის სამინისტროს 2019 წლის 29 მარტამდე, მისამართზე: ქ.თბილისი, მარშალ გელოვანის გამზირი N6, ან ელ. ფოსტის მისამართზე: eia@mepa.gov.ge