გზშ და სგშ განცხადებები
გარემოსდაცვითი გადაწყვეტილების მიღების თაობაზე - ჯვარი-წყალტუბოს 500 კვ-იანი ელექტროგადამცემი ხაზის და ქვესადგურის მშენებლობისა და ექსპლუატაციის პროექტი
2019 წლის 18 იანვარს საქართველოს ეკონომიკისა და მდგრადი განვითარების სამინისტრომ საქართველოს გარემოს დაცვისა და სოფლის მეურნეობის სამინისტროში წარმოადგინა განცხადება (N04/94) გარემოსდაცვითი გადაწყვეტილების მიღების თაობაზე
სამინისტრომ პროექტის სიღრმისეული განხილვისა და საფუძვლიანი შესწავლის მიზნით, მიზანშეწონილად მიიჩნია გარემოსდაცვითი გადაწყვეტილების გაცემის მიზნით დაწყებული ადმინისტრაციული წარმოების ვადის 2019 წლის 20 მარტამდე გაგრძელება,
2019 წლის 30 იანვარს საქართველოს ეკონომიკისა და მდგრადი განვითარების სამინისტროს (N 21-04) ბრძანების საფუძველზე, ადმინისტრაციული წარმოების ვადა გაგრძელდა 2019 წლის 19 მარტის ჩათვლით.
მიმდინარე წლის 11 თებერვალს სს „საქართველოს სახელმწიფო ელექტროსისტემამ“ მომართა სამინისტროს წერილობით და წარმოადგინა დამატებითი ინფორმაცია (N 401/01)
დაგეგმილი საქმიანობის დასახელება: ჯვარი-წყალტუბოს 500 კვ-იანი ელექტროგადამცემი ხაზის და ქვესადგურის მშენებლობა და ექსპლუატაცია;
დაგეგმილი საქმიანობის ადგილმდებარეობა : წალენჯიხის, ჩხოროწყუს, მარტვილის, ხონის და წყალტუბოს მუნიციპალიტეტები;
დაგეგმილი საქმიანობის განმახორციელებელი: სს „საქართველოს სახელმწიფო ელექტროსისტემა’’;
დაგეგმილი საქმიანობის გარემოზე ზემოქმედების შეფასების ანგარიშთან დაკავშირებული წერილობითი შენიშვნები და მოსაზრებები შეგიძლიათ წარუდგინოთ საქართველოს გარემოს დაცვისა და სოფლის მეურნეობის სამინისტროს 2019 წლის 18 მარტის ჩათვლით, მისამართზე: ქ.თბილისი, მარშალ გელოვანის გამზირი N6, ან ელ. ფოსტის მისამართზე: eia@mepa.gov.ge
ზემოაღნიშნულ განცხადებაზე ადმინისტრაციული წარმოება მიმდინარეობს "გარემოსდაცვითი შეფასების კოდექსის" 48-ე მუხლის პირველი ნაწილის შესაბამისად, რომლის თანახმად, 2018 წლის 1 იანვრამდე „გარემოზე ზემოქმედების ნებართვის შესახებ“ საქართველოს კანონის შესაბამისად დაწყებული ადმინისტრაციული წარმოების შემთხვევაში, გარემოსდაცვითი გადაწყვეტილება გაიცემა 2018 წლის 1 იანვრამდე გარემოზე ზემოქმედების ნებართვის გაცემისთვის დადგენილი წესით.
,გარემოზე ზემოქმედების ნებართვის შესახებ“ საქართველოს კანონი არ აკისრებს ადმინისტრაციულ ორგანოს ვალდებულებას განათავსოს გარემოსდაცვითი გადაწყვეტილების მიღების თაობაზე განცხადება ოფიციალურ ვებ. გვერდზე, მიუხედავად ამისა, სამინისტრო საზოგადოების ინფორმირებისთვის უზრუნველყოფს შემოსული განცხადებების ვებ. გვერდზე განთავსებას, ასევე შესაბამისი ადმინისტრაციული წარმოების ვადების გათვალისწინებით, განსაზღვრავს საზოგადოებისგან შენიშვნების მიღების ვადას.