საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

გარემოზე ზემოქმედების შეფასების ანგარიშის საჯარო განხილვა- თბილისის მუნიციპალიტეტში, დიდი ლილოს ტერიტორიაზე, რეზინტექნიკური ნაწარმისა და პლასტმასის ნარჩენების აღდგენა-გადამამუშავებელი საწარმოს მშენებლობისა და ექსპლუატაციის პროექტი.

დაგეგმილი საქმიანობის დასახელება - რეზინტექნიკური ნაწარმისა და პლასტმასის ნარჩენების აღდგენა-გადამამუშავებელი საწარმოს  მშენებლობა და ექსპლუატაცია.

დაგეგმილი საქმიანობის განმახორციელებელი: შპს „პკლ ეკო სოლუშენი"
გარემოზე ზემოქმედების შეფასების ანგარიშის საჯარო განხილვის დრო და ადგილი: 2019 წლის 8 ივლისი, 15:00 საათი, სამგორის მუნიციპალიტეტის ადმინისტრაციული ერთეულის შენობა.
საჯარო განხილვის ორგანიზატორი: საქართველოს გარემოს დაცვისა და სოფლის მეურნეობის სამინისტრო.

2019 წლის 29 მაისს შპს „პკლ ეკო სოლუშენმა " სამინისტროში წარმოადგინა განცხადება, თბილისის მუნიციპალიტეტში, დიდი ლილოს ტერიტორიაზე, რეზინტექნიკური ნაწარმისა და პლასტმასის ნარჩენების აღდგენა-გადამამუშავებელი საწარმოს მშენებლობისა და ექსპლუატაციის პროექტზე გარემოსდაცვითი გადაწყვეტილების მიღების თაობაზე. 
“გარემოსდაცვითი შეფასების კოდექსის” თანახმად, გარემოსდაცვითი გადაწყვეტილების მიმღებ უფლებამოსილ ორგანოს წარმოადგენს საქართველოს გარემოს დაცვისა და სოფლის მეურნეობის სამინისტრო.
საჯარო განხილვა ღიაა, მასში მონაწილეობის, ასევე შენიშვნებისა და მოსაზრებების წარდგენის უფლება აქვს საზოგადოების ნებისმიერ წარმომადგენელს. 

დაგეგმილი საქმიანობის გარემოზე ზემოქმედების შეფასების ანგარიშთან დაკავშირებული წერილობითი შენიშვნები და მოსაზრებები შეგიძლიათ წარუდგინოთ საქართველოს გარემოს დაცვისა და სოფლის მეურნეობის სამინისტროს 2019 წლის 29 ივლისამდე, მისამართზე: ქ. თბილისი, მარშალ გელოვანის გამზირი N6, ან ელ. ფოსტის მისამართზე: eia@mepa.gov.ge

გაზიარება