საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

სტრატეგიული გარემოსდაცვითი შეფასების ანგარიშის საჯარო განხილვა - კურორტ ლებარდეს განაშენიანების რეგულირების გეგმის პროექტი

 

სტრატეგიული დოკუმენტის პროექტის დასახელება: „კურორტ ლებარდეს განაშენიანების რეგულირების (გრგ) გეგმის“ პროექტი

დამგეგმავი ორგანო:საქართველოს რეგიონული განვითარებისა და ინფრასტრუქტურის სამინისტრო 

სტრატეგიული დოკუმენტის განხორციელების არეალი: მარტვილის მუნიციპალიტეტი, კურორტი ლებარდე

საჯარო განხილვის დრო და ადგილი: 2020 წლის 21 ივლისი, 13:00 საათი, მარტვილის მუნიციპალიტეტის სოფელ კურზუს საჯარო სკოლასთან შერწყმული სანაჭყებიოს დაწყებითი სკოლის ეზო

საჯარო განხილვის ორგანიზატორი: საქართველოს რეგიონული განვითარებისა და ინფრასტრუქტურის სამინისტრო

 

ქვეყანაში შექმნილი ეპიდსიტუაციიდან და სხვადასხვა შეზღუდვებიდან გამომდინარე სტრატეგიული გარემოსდაცვითი შეფასების   ანგარიშთან დაკავშირებით საჯარო განხილვა გაიმართება მარტვილის მუნიციპალიტეტის სოფელ კურზუს საჯარო სკოლასთან შერწყმული სანაჭყებიოს დაწყებითი სკოლის ეზოს ღია სივრცეში. განხილვა ღიაა, მასში მონაწილეობის, ასევე შენიშვნებისა და მოსაზრებების წარდგენის უფლება აქვს საზოგადოების ნებისმიერ წარმომადგენელს.

„კურორტ ლებარდეს განაშენიანების რეგულირების გეგმის (გრგ) პროექტის“ სტრატეგიული გარემოსდაცვითი შეფასების (სგშ) ანგარიშსა  და კურორტ ლებარდეს განაშენიანების რეგულირების გეგმის პროექტზე საქართველოს გარემოს დაცვისა და სოფლის მეურნეობის სამინისტროსა და საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროში მიმდინარეობს ადმინისტრაციული წარმოებები რეკომენდაციების მიღების მიზნით.

საჯარო განხილვის დროს ხელმისაწვდომი იქნება პროექტებთან დაკავშირებული დოკუმენტაცია ნაბეჭდი სახით.  მოთხოვნის შემთხვევაში, საქართველოს გარემოს დაცვისა და სოფლის მეურნეობის სამინისტრო, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო და დამგეგმავი ორგანო უზრუნველყოფენ აღნიშნული რეკომენდაციების/დოკუმენტაციის ნაბეჭდი ეგზემპლარების ან ელექტრონული ვერსიების საქართველოს კანონმდებლობით დადგენილი წესით ხელმისაწვდომობას.

სგშ-ის ანგარიშისა და სტრატეგიული დოკუმენტის პროექტთან დაკავშირებული წერილობითი შენიშვნები და მოსაზრებები შეგიძლიათ წარუდგინოთ საქართველოს გარემოს დაცვისა და სოფლის მეურნეობის სამინისტროს 2020 წლის 16 ივლისის ჩათვლით მისამართზე: ქ. თბილისი, მარშალ გელოვანის გამზირი №6, ან ელ. ფოსტის მისამართზე: eia@mepa.gov.ge 

იხ. საჯარო განხილვის წესი 

გაზიარება