საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

გარემოზე ზემოქმედების შეფასების ანგარიშის საჯარო განხილვა - გურჯაანისა და საგარეჯოს მუნიციპალიტეტებში, სოფ. ველისციხიდან სოფ. კაკაბეთამდე (ცენტრალური მაგისტრალიდან სოფ. ჭერემის გავლით) გზის რეკონსტრუქციისა და მშენებლობის პროექტი

შენიშვნა: აღნიშნული განცხადება განახლდა 2020 წლის 24 სექტემბერს - გურჯაანისა და საგარეჯოს მუნიციპალიტეტებში, სოფ. ველისციხიდან სოფ. კაკაბეთამდე (ცენტრალური მაგისტრალიდან სოფ. ჭერემის გავლით) გზის რეკონსტრუქციისა და მშენებლობის პროექტის გარემოზე ზემოქმედების შეფასების ანგარიშის საჯარო განხილვა დაგეგმილი იყო 2020 წლის 5 ოქტომბერს, 12:00 საათზე, საგარეჯოს მუნიციპალიტეტის, სოფ. კაკაბეთის ადმინისტრაციული ერთეულის შენობის ეზოში (ღია სივრცეში), 2020 წლის 5 ოქტომბერს, 15:00 საათზე, გურჯაანის მუნიციპალიტეტის, სოფ. მუკუზანის საჯარო სკოლის შენობის ეზოში (ღია სივრცეში) და 2020 წლის 6 ოქტომბერს, 14:30 საათზე, გურჯაანის მუნიციპალიტეტის, სოფ. ჭერემის საჯარო სკოლის ეზოში (ღია სივრცეში).

იმ გარემოების გათვალისწინებით, რომ საქართველოში ახალი კორონავირუსის გავრცელების პრევენციის მიზნით ქვეყანაში სხვადასხვა პერიოდში მოქმედებს სხვადასხვა სახის შეზღუდვები, კოდექსით გათვალისწინებული პროცედურების შეუფერხებლად ჩატარების მიზნით, 2020 წლის 18 სექტემბერს ,,გარემოსდაცვითი შეფასების კოდექსში” განხორციელდა ცვლილება (https://matsne.gov.ge/document/view/4994730?publication=0), რომელიც ითვალისწინებს საქართველოს კანონმდებლობით განსაზღვრული პანდემიის/ეპიდემიის დროს, ქვეყანაში არსებული ეპიდემიოლოგიური მდგომარეობის გათვალისწინებით, საჯარო განხილვის დისტანციურად, კომუნიკაციის ელექტრონული საშუალებების გამოყენებით ჩატარების შესაძლებლობას. 

ზემოაღნიშნულიდან გამომდინარე, შეიცვალა საჯარო განხილვის ფორმა, საჯარო განხილვა ჩატარდება 2020 წლის 5 ოქტომბერს 12:00 საათზე დისტანციურად, ZOOM-ის აპლიკაციის მეშვეობით.

Zoom meeting ID - 878 5391 7883

Join Zoom Meeting https://us02web.zoom.us/j/87853917883 

საჯარო განხილვებში მონაწილეობისთვის, გთხოვთ, უზრუნველყოთ Zoom-ის აპლიკაციის დაყენება. აღნიშნული შესაძლებელია განხორციელდეს ავტომატურ რეჟიმში, შეხვედრის ელ. ბმულზე გადასვლის შემდგომ. აპლიკაციით სარგებლობა შესაძლებელია როგორც სმარტფონით, ასევე პერსონალური კომპიუტერითა და ლეპტოპით.

 

დაგეგმილი საქმიანობის დასახელება: გზის რეკონსტრუქცია და მშენებლობა;

 

დაგეგმილი საქმიანობის განმახორციელებელი: მუნიციპალური განვითარების ფონდი;

 

დაგეგმილი საქმიანობის განხორციელების ადგილი: გურჯაანისა და საგარეჯოს მუნიციპალიტეტები;

 

გარემოზე ზემოქმედების შეფასების ანგარიშის საჯარო განხილვის დრო: 2020 წლის 5 ოქტომბერი 12:00 საათი;

 

საჯარო განხილვის ორგანიზატორი: საქართველოს გარემოს დაცვისა და სოფლის მეურნეობის სამინისტრო.

 

დაგეგმილი საქმიანობის გარემოზე ზემოქმედების შეფასების ანგარიშის განცხადებასთან დაკავშირებული წერილობითი შენიშვნები და მოსაზრებები შეგიძლიათ წარუდგინოთ საქართველოს გარემოს დაცვისა და სოფლის მეურნეობის სამინისტროს 2020 წლის 27 ოქტომბრამდე, მისამართზე: ქ. თბილისი, მარშალ გელოვანის გამზირი N6, ან ელ. ფოსტის მისამართზე: eia@mepa.gov.ge 

გაზიარება