საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

სკოპინგის ანგარიშის საჯარო განხილვა - შპს „კნაუფ გიპს თბილისის“ თაბაშირის საწარმოს ექსპლუატაციის პირობების ცვლილების პროექტი

2020 წლის 10 ოქტომბერს სამინისტროს ოფიციალურ ვებგვერდზე განთავსდა შპს „კნაუფ გიპს თბილისის“ თაბაშირის საწარმოს ექსპლუატაციის პირობების ცვლილების პროექტის სკოპინგის ანგარიში (იხ.  ლინკი - https://mepa.gov.ge/Ge/PublicInformation/29163 ).

 

აღნიშნული პროექტის სკოპინგის ანგარიშის საჯარო განხილვის შესახებ ინფორმაცია გამოქვეყნებული იყო სამინისტროს ოფიციალურ ვებგვედზე (იხ. ლინკი - https://mepa.gov.ge/Ge/PublicInformation/29182 ).

 

გაცნობებთ, რომ კანონმდებლობით დადგენილი წესით 2020 წლის 10 ნოემბერს 16:00 საათზე სამინისტროს მიერ დაგეგმილი შპს „კნაუფ გიპს თბილისის“ თაბაშირის საწარმოს ექსპლუატაციის პირობების ცვლილების სკოპინგის ანგარიშის საჯარო განხილვა დაიწყო  ჩანიშნულ დროს, დისტანციურად, ZOOM-ის აპლიკაციის მეშვეობით. სკოპინგის ანგარიშთან დაკავშირებით საზოგადოებას პრეზენტაცია წარუდგინა საკონსულტაციო ორგანიზაცია შპს „ჯეოკონის“ წარმომადგენელმა. პრეზენტაციის დასრულების შემდეგ სამინისტროს წარმომადგენელმა საჯარო განხილვაში მონაწილეებს მისცა შესაძლებლობა დაესვათ კითხვები დაგეგმილ საქმიანობასთან დაკავშირებით. კითხვა-პასუხის რეჟიმის დროს შეიქმნა ტექნიკური პრობლემა, რის გამოც ვეღარ მოხერხდა საჯარო განხილვის დასრულება. შესაბამისად, სამინისტრომ მიიღო გადაწყვეტილება სკოპინგის ანგარიშის საჯარო განხილვის დამატებით  ჩანიშვნის შესახებ.

 

ზემოაღნიშნულიდან გამომდინარე, სკოპინგის ანგარიშთან დაკავშირებით დამატებითი საჯარო განხილვა გაიმართება დისტაციურად, კომუნიკაციის ელექტრონული საშუალებების გამოყენებით. საჯარო განხილვები ღიაა, მათში მონაწილეობის, ასევე შენიშვნებისა და მოსაზრებების წარდგენის უფლება აქვს საზოგადოების ნებისმიერ წარმომადგენელს.

 

საჯარო განხილვაში მონაწილეობისთვის, გთხოვთ, უზრუნველყოთ Zoom-ის აპლიკაციის დაყენება. აღნიშნული შესაძლებელია განხორციელდეს ავტომატურ რეჟიმში, შეხვედრის ელ. ბმულზე გადასვლის შემდგომ. აპლიკაციით სარგებლობა შესაძლებელია როგორც სმარტფონით, ასევე პერსონალური კომპიუტერითა და ლეპტოპით.

 

დაგეგმილი საქმიანობის დასახელება: თაბაშირის საწარმოს ექსპლუატაციის პირობების ცვლილება;

 

დაგეგმილი საქმიანობის განმახორციელებელი: შპს „კნაუფ გიპს თბილისი“;

 

დაგეგმილი საქმიანობის განხორციელების ადგილი: ქ. თბილისი, სამგორის რაიონი, ქიზიყის ქუჩა #17;

 

საჯარო განხილვის ორგანიზატორი: საქართველოს გარემოს დაცვისა და სოფლის მეურნეობის სამინისტრო.

 

საჯარო განხილვა დამატებით ჩაინიშნა მიმდინარე წლის 16 ნოემბერს 16:00 საათზე დისტანციურად, ZOOM-ის აპლიკაციის მეშვეობით.

 

საჯარო განხილვაზე დასწრების ბმული:

Join Zoom Meeting - https://us02web.zoom.us/j/83507641726 

Zoom meeting ID - 835 0764 1726

 

დამატებითი საჯარო განხილვის ჩანიშვნიდან გამომდინარე, დაგეგმილი საქმიანობის სკოპინგის ანგარიშთან დაკავშირებული წერილობითი შენიშვნები და მოსაზრებები შეგიძლიათ წარუდგინოთ საქართველოს გარემოს დაცვისა და სოფლის მეურნეობის სამინისტროს 2020 წლის 17 ნოემბრის ჩათვლით, მისამართზე: ქ. თბილისი, მარშალ გელოვანის გამზირი N6, ან ელ. ფოსტის მისამართზე: eia@mepa.gov.ge

გაზიარება