საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

2020 წლის 10 სექტემბერს სამინისტროს ოფიციალურ ვებგვერდზე განთავსდა საქართველოს საავტომობილო გზების დეპარტამენტის შიდასახელმწიფოებრივი მნიშვნელობის სალხინო-დადიანების სასახლესთან მისასვლელი საავტომობილო გზის კმ5+530-ზე მდ. ვახაზე არსებული სახიდე გადასასვლელის ნაცვლად ახალი სახიდე გადასასვლელის მშენებლობის და ექსპლუატაციის პროექტის გარემოზე ზემოქმედების შეფასების ანგარიში და კანონით გათვალისწინებული თანდართული დოკუმენტაცია (იხ. ლინკი). ადმინისტრაციული წარმოების პროცესში გარკვეული საკითხების დაზუსტების მიზნით, 2020 წლის 11 დეკემბრის N11764/01 წერილით სამინისტრომ  მიიღო გადაწყვეტილება ადმინისტრაციული წარმოების შეჩერების თაობაზე (იხ. ლინკი).

სამინისტროს მოთხოვნის შესაბამისად, ზემოაღნიშნული საკითხების დაზუსტების მიზნით 2020 წლის 29 დეკემბერს N20850 განცხადებით საქართველოს საავტომობილო გზების დეპარტამენტმა დამატებით წარმოადგინა დაზუსტებული/შესწორებული დოკუმენტაცია დაგეგმილ პროექტთან დაკავშირებით (იხ. ლინკი).

სამინისტროს მიერ ადმინისტრაციული წარმოების ეტაპზე დამატებით წარმოდგენილ განცხადებაში გამოვლენილ იქნა რიგი უზუსტობები, რის გამოც სამინისტრომ მიიღო გადაწყვეტილება ადმინისტრაციული წარმოების შეჩერების თაობაზე. 

სამინისტრო აღნიშნულ საქმიანობაზე გარემოსდაცვითი გადაწყვეტილების მიღების მიზნით ადმინისტრაციულ წარმოებას განაახლებს მას შემდეგ, რაც საქართველოს საავტომობილო გზების დეპარტამენტი აღნიშნული შენიშვნების გათვალისწინებით უზრუნველყოფს დაზუსტებული/დამატებითი დოკუმენტაციის წარმოდგენას.