საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

ადმინისტრაციული წარმოების ეტაპზე, 2021 წლის 9 ივნისს შპს "ჩვეშურა ჰესის" მიერ სამინისტროში წარმოდგენილი იქნა განცხადება (იხ. ლინკი: https://mepa.gov.ge/Ge/PublicInformation/31922), რომლის თანახმად კომპანია პერსონალის ჯანმრთელობასთან დაკავშირებული რისკების გამო, ვერ ახერხებს აღნიშნული პროექტის 2021 წლის 11 ივნისს დაგეგმილ სკოპინგის ანგარიშის საჯარო განხილვაში მონაწილეობას და ითხოვს საჯარო განხილვის სხდომის გაუქმებას. აღნიშნულიდან გამომდინარე გაცნობებთ, რომ 2021 წლის 11 ივნისს ონის მუნიციპალიტეტში, სოფ. ღების საჯარო სკოლის შენობაში დაგეგმილი საჯარო განხილვა აღარ გაიმართება.

დაგეგმილი საქმიანობის დასახელება: ჰიდროელექტროსადგურის მშენებლობა და ექსპლუატაცია;

დაგეგმილი საქმიანობის განმახორციელებელი: შპს "ჩვეშურა ჰესი";

დაგეგმილი საქმიანობის განხორციელების ადგილი: ონის მუნიციპალიტეტი

დაგეგმილი საქმიანობის სკოპინგის ანგარიშის საჯარო განხილვის დრო და ადგილი:

2021 წლის 11 ივნისი 15:00 საათი სოფ. ღების საჯარო სკოლის შენობა - აღნიშნული საჯარო განხილვა აღარ გაიმართება

საჯარო განხილვის ორგანიზატორი: საქართველოს გარემოს დაცვისა და სოფლის მეურნეობის სამინისტრო.
„გარემოსდაცვითი შეფასების კოდექსის” თანახმად, გარემოსდაცვითი გადაწყვეტილების მიმღებ უფლებამოსილ ორგანოს წარმოადგენს საქართველოს გარემოს დაცვისა და სოფლის მეურნეობის სამინისტრო.

საჯარო განხილვა ღიაა, მასში მონაწილეობის, ასევე შენიშვნებისა და მოსაზრებების წარდგენის უფლება აქვს საზოგადოების ნებისმიერ წარმომადგენელს. 


დაგეგმილი საქმიანობის სკოპინგის განცხადებასთან დაკავშირებული წერილობითი შენიშვნები და მოსაზრებები შეგიძლიათ წარუდგინოთ  საქართველოს გარემოს დაცვისა და სოფლის მეურნეობის სამინისტროს 2021 წლის 16 ივნისის ჩათვლით, მისამართზე: ქ. თბილისი, მარშალ გელოვანის გამზირი N6, ან ელ. ფოსტის მისამართზე: eia@mepa.gov.ge