საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

საქართველოს კანონის საჯარო განხილვა - ნუგზარ ზაზანაშვილის სახელობის სამუხის მრავალმხრივი გამოყენების ტერიტორიის შექმნისა და მართვის შესახებ

საქართველოს გარემოს დაცვისა და სოფლის მეურნეობის სამინისტრომ დაასრულა მუშაობა  ნუგზარ ზაზანაშვილის სახელობის სამუხის მრავალმხრივი გამოყენების ტერიტორიის შექმნისა და მართვის შესახებ საქართველოს კანონის პროექტზე.

 

კანონპროექტზე მუშაობა დაიწყო 2019 წელს ბუნების დაცვის მსოფლიო ფონდის  (WWF)  მხარდაჭერით. გაიმართა შეხვედრები ადგილობრივი მუნიციპალიტეტის და დაცული ტერიტორიების სააგენტოს წარმომადგენლებთან.

 

არსებული კანონპროექტის დახვეწის მიზნით დაინტერესებულ მხარეებთან მუშაობის  პროცესში გამოკვეთილი შენიშვნებისა და მოსაზრებების გათვალისწინებით, სამინისტრომ მოამზადა დოკუმენტის საბოლოო ვერსია.

 

სამუხის ველი ქურციკების (Gazella subgutturosa) ერთადერთი საბინადრო გარემოა საქართველოში. შესაბამისად, რეგიონულ, ეროვნულ და ტრანსსასაზღვრო დონეზე ბიომრავალფეროვნების კონსერვაციის, ასევე ზურმუხტის ქსელის და სპეციალური დაცული ტერიტორიების თვალსაზრისით, სამუხის გეგმარებითი დაცული ტერიტორიების შექმნას უდიდესი მნიშვნელობა ენიჭება. 

დაინტერესებულ პირებს გამოქვეყნებული პროექტის შესახებ შენიშვნებისა და მოსაზრებების  წარმოდგენა შეუძლიათ არაუგვიანეს 2022 წლის 27 იანვრისა შემდეგ ელექტრონულ მისამართზე: Teona.Karchava@mepa.gov.ge

 

საჯარო განხილვა გაიმართება 2022  წლის 28 იანვარს, 15:00 საათზე.  დაინტერესებულ პირებს შეხვედრაში მონაწილეობა შეუძლიათ ZOOM პლატფორმის საშუალებით შემდეგ ლინკზე: 
 https://us02web.zoom.us/j/85827724703?pwd=SldwZmdReDI0OWxCMEhFRitMNjU1UT09

გაზიარება