საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

განცხადება გზშ-ის საჯარო განხილვების შესახებ - შპს „სი-სი-ი-ეიჩ ჰაიდრო VI“-ს მდ. ბახვისწყალზე, ბუნებრივ ჩამონადენზე მომუშავე ბახვი 1 ჰესის მშენებლობისა და ექსპლუატაციის პროექტი

2022 წლის 12 იანვარს სამინისტროს ვებგვერდზე განთავსდა ინფორმაცია შპს „სი-სი-ი-ეიჩ ჰაიდრო VI“-ს მდ. ბახვისწყალზე, ბუნებრივ ჩამონადენზე მომუშავე ბახვი 1 ჰესის მშენებლობისა და ექსპლუატაციის პროექტის გარემოზე ზემოქმედების შეფასების ანგარიშის საჯარო განხილვის შესახებ (იხ. ლინკი: https://mepa.gov.ge/Ge/PublicInformation/33602), რომლის მიხედვით დაგეგმილი საქმიანობის გზშ-ის ანგარიშის საჯარო განხილვები გაიმართება ოზურგეთის მუნიციპალიტეტში, სოფ. მთისპირში 2022 წლის 11 თებერვალს 10:30 სთ-ზე, ხოლო ჩოხატაურის მუნიციპალიტეტში, სოფ. ჩხაკოურაში - 2022 წლის 11 თებერვალს 16:30 სთ-ზე.


მიმდინარე წლის 25 იანვარს გარემოსდაცვითი სათემო ორგანიზაცია  „ეკოს" მიერ, სამინისტროში წარმოდგენილი იქნა განცხადება, სადაც ორგანიზაცია ითხოვდა დაგეგმილი საქმიანობის მნიშვნელობისა და მაღალი საზოგადოებრივი ინტერესის გათვალისწინებით, დაგეგმილი საქმიანობის გზშ-ის ანგარიშის საჯარო განხილვების აგრეთვე ოზურგეთისა და ჩოხატაურის მუნიციპალიტეტების ცენტრებში ჩატარებას. აღნიშნული განცხადებისა და სოფ. ჩხაკოურაში შესაძლო რთული მეტეოროლოგიური პირობების გათვალისწინებით, დაგეგმილი საქმიანობის გზშ-ის ანგარიშის საჯარო განხილვები სოფ. მთისპირისა და სოფ. ჩხაკოურას გარდა, ასევე დამატებით გაიმართება 2022 წლის 10 თებერვალს ჩოხატაურის მუნიციპალიტეტის ადმინისტრაციული ერთეულის შენობაში 10:00 სთ-ზე, ხოლო ოზურგეთის მუნიციპალიტეტის ადმინისტრაციული ერთეულის შენობაში, ამავე დღეს - 16:30 სთ-ზე.


დაგეგმილი საქმიანობის დასახელება: ჰიდროელექტროსადგურის მშენებლობა-ექსპლუატაცია;

დაგეგმილი საქმიანობის განმახორციელებელი: შპს „სი-სი-ი-ეიჩ ჰაიდრო VI“;

დაგეგმილი საქმინობის განხორციელების ადგილი: ოზურგეთის მუნიციპალიტეტი, ჩოხატაურის მუნიციპალიტეტი;

საჯარო განხილვის ორგანიზატორი: საქართველოს გარემოს დაცვისა და სოფლის მეურნეობის სამინისტრო

 

 

 

დაგეგმილი საქმიანობის გარემოზე ზემოქმედების შეფასების ანგარიშის საჯარო განხილვების დრო და ადგილი:

• 2022 წლის 10 თებერვალი 10:00 სთ, ჩოხატაურის მუნიციპალიტეტის ადმინისტრაციული ერთეულის შენობა;

• 2022 წლის 10 თებერვალი 16:30 სთ, ოზურგეთის მუნიციპალიტეტის ადმინისტრაციული ერთეულის შენობა;

 

• 2022 წლის 11 თებერვალი 10:30 სთ, ოზურგეთის მუნიციპალიტეტი, სოფ. მთისპირის ადმინისტრაციული ერთეულის შენობა;

• 2022 წლის 11 თებერვალი 16:30 სთ, ჩოხატაურის მუნიციპალიტეტი, სოფ. ჩხაკოურას ადმინისტრაციული ერთეულის შენობა;

 

 

 

"გარემოსდაცვითი შეფასების კოდექსის" თანახმად, გარემოსდაცვითი გადაწყვეტილების მიმღებ უფლებამოსილ ორგანოს წარმოადგენს საქართველოს გარემოს დაცვისა და სოფლის მეურნეობის სამინისტრო. 

 

საჯარო განხილვა ღიაა, მასში მონაწილეობის, ასევე შენიშვნებისა და მოსაზრებების წარდგენის უფლება აქვს საზოგადოების ნებისმიერ წარმომადგენელს.

 

 

დაგეგმილი საქმიანობის გარემოზე ზემოქმედების შეფასების ანგარიშთან დაკავშირებული წერილობითი შენიშვნები და მოსაზრებები შეგიძლიათ წარუდგინოთ საქართველოს გარემოს დაცვისა და სოფლის მეურნეობის სამინისტროს 2022 წლის 25 თებერვლის ჩათვლით, მისამართზე: ქ. თბილისი, მარშალ გელოვანის გამზირი N6, ან ელ. ფოსტის მისამართზე: eia@mepa.gov.ge (გთხოვთ, შენიშვნების/მოსაზრებების ელ.ფოსტაზე გამოგზავნისას  მიუთითოთ  შემდეგი ადრესატი:  საქართველოს გარემოს დაცვისა და სოფლის მეურნეობის სამინისტროს).

გაზიარება