საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

შპს „მარტ-სტოუნის“ მიერ, გარემოსდაცვითი გადაწყვეტილების მიღების მიზნით, სამინისტროში წარმოდგენილ იქნა მარტვილის მუნიციპალიტეტში, შპს „მარტ-სტოუნის“ სასარგებლო წიაღისეულის (კირქვის) გადამამუშავებელი საწარმოს ქსპლუატაციის პროექტის გარემოზე ზემოქმედების შეფასების ანგარიში (იხ. ლინკი -https://mepa.gov.ge/Ge/PublicInformation/33481).

2022 წლის 23 თებერვლის N 1716/01 წერილით, სამინისტრომ ზემოაღნიშნულ პროექტთან დაკავშირებით მიიღო გადაწყვეტილება ადმინისტრაციული წარმოების შეჩერების თაობაზე (იხ. ლინკი - https://mepa.gov.ge/Ge/PublicInformation/33770 ).

გაცნობებთ, რომ აღნიშნულთან დაკავშირებით, 2022 წლის 21 მარტს შპს „მარტ-სტოუნმა“ დამატებით წარმოადგინა  ინფორმაცია დაგეგმილ პროექტთან დაკავშირებით. დაინტერესებული საზოგადოების მიერ, აღნიშნულ დამატებით ინფორმაციასთან დაკავშირებული წერილობითი შენიშვნების და მოსაზრებების წარმოსადგენად განისაზღვრა 10 სამუშაო დღე (2022 წლის 7 აპრილის ჩათვლით (იხ. ლინკი - https://mepa.gov.ge/Ge/PublicInformation/33882). თუმცა შპს „მარტ-სტოუნმა“ 2022 წლის 28 მარტს კვლავ წარმოადგინა პროექტის შესახებ დამატებითი ინფორმაცია. შესაბამისად ხელახლა განისაზღვრა წერილობითი შენიშვნების და მოსაზრებების წარმოდგენის ვადა.

ზემოაღნიშნულიდან გამომდინარე, დამატებით ინფორმაციებთან დაკავშირებული წერილობითი შენიშვნები და მოსაზრებები შეგიძლიათ წარუდგინოთ საქართველოს გარემოს დაცვისა და სოფლის მეურნეობის სამინისტროს 2022 წლის 13 აპრილის ჩათვლით მისამართზე: ქ. თბილისი, მარშალ გელოვანის გამზირი N6, ან ელ. ფოსტის მისამართზე: eia@mepa.gov.ge. (გთხოვთ, შენიშვნის/მოსაზრების ელ.ფოსტაზე გამოგზავნისას  მიუთითოთ  შემდეგი ადრესატი:  საქართველოს გარემოს დაცვისა და სოფლის მეურნეობის სამინისტროს).