განცხადებები
განცხადება საქართველოში ავტომობილის ემისიის Euro 5b სტანდარტის შემოღებასთან დაკავშირებით
საქართველოში ავტომობილის პირველადი ან დროებითი რეგისტრაცია შესაძლებელია მხოლოდ იმ შემთხვევაში, თუ იგი აკმაყოფილებს მინიმუმ Euro 5b სტანდარტს. შესაბამისი რეგულაცია (საქართველოს მთავრობის დადგენილება N238; 28.06.2023; იხ. დანართი) ძალაში შევიდა 2024 წლის 1 იანვრიდან მსუბუქი ავტომობილებისა (M1) და მიკროავტობუსებისთვის (M2), ხოლო 2025 წლის 1 იანვრიდან იგი ძალაში შევა სატვირთო ავტომობილებისა (N1, N2, N3) და ავტობუსებისთვის (M3).
საზღვარგარეთის ცხრილში მოცემული ქვეყნებიდან საქართველოში იმპორტირებული (გარდა 1 წლამდე) ან/და რეგისტრირებული და შესაბამის წელს გამოშვებული ავტომობილები გაივლიან საქართველოში რეგისტრაციას ისევე, როგორც აქამდე გადიოდნენ.
ქვეყანა | ავტომობილის გამოშვების წელი |
ევროკავშირის წევრი ქვეყნები | ≥2013 |
დიდი ბრიტანეთისა და ჩრდილოეთ ირლანდიის გაერთიანებული სამეფო | ≥2013 |
შვეიცარიის კონფედერაცია | ≥2013 |
ნორვეგიის სამეფო | ≥2013 |
ამერიკის შეერთებული შტატები | ≥2013 |
იაპონია | ≥2013 |
კორეის რესპუბლიკა | ≥2013 |
თურქეთის რესპუბლიკა | ≥2013 |
კანადა | ≥2013 |
ჩილეს რესპუბლიკა | ≥2013 |
ავსტრალიის თანამეგობრობა | ≥2016 |
რუსეთის ფედერაცია (2022 წლამდე რეგისტრირებული) | ≥2016 - ≤2021 |
სინგაპურის რესპუბლიკა | ≥2017 |
სხვა ავტომობილების რეგისტრაციისთვის საჭიროა საქართველოს გარემოს დაცვისა და სოფლის მეურნეობის სამინისტროს მიერ გაცემული დასკვნა, რომლითაც დასტურდება ავტომობილის გაფრქვევების (გამონაბოლქვის) ზღვრული ნორმების ამ რეგლამენტის მოთხოვნებთან შესაბამისობა. კერძოდ, აღნიშნული დასკვნა საჭიროა:
1.ცხრილში მოცემული ქვეყნებიდან იმპორტირებული არარეგისტრირებული ერთ წლამდე ასაკის ავტომობილებისთვის;
2.ცხრილში მოცემული ქვეყნებიდან იმპორტირებული მითითებულ წელზე უფრო ადრე/გვიან გამოშვებული ავტომობილებისთვის;
3.ცხრილში მოცემული ქვეყნების გარდა ნებისმიერი სხვა ქვეყნიდან (მაგალითად: ჩინეთი, ინდოეთი, არაბთა გაერთიანებული საემიროები, სომხეთი, აზერბაიჯანი, უკრაინა, უზბეკეთი, ირანი და ა.შ.) იმპორტირებული ავტომობილისთვის (მიუხედავად ასაკისა).
საქართველოს გარემოს დაცვისა და სოფლის მეურნეობის სამინისტროს დასკვნის მისაღებად საჭიროა სამინისტროს წარედგინოს Euro 5b-ს, ან უფრო მაღალი სტანდარტის დამადასტურებელი შემდეგი სახის დოკუმენტაცია:
1. ცხრილში მოცემული ქვეყნებიდან იმპორტირებული არარეგისტრირებული ერთ წლამდე ასაკის ავტომობილებისთვის:
- ავტომობილის ტიპის დამტკიცების დოკუმენტი; ან
- ევროპისთვის გაეროს ეკონომიკური კომისიის (UNECE) მიერ აღიარებული ავტომობილის ტიპის დამტკიცების ორგანოების/ტექნიკური მომსახურების ცენტრების მიერ გაცემული შესაბამისი დოკუმენტი; ან
- ავტომობილის მწარმოებლის მიერ გაცემული შესაბამისი დოკუმენტი.
2. ცხრილში მოცემული ქვეყნებიდან იმპორტირებული მითითებულ წელზე უფრო ადრე/გვიან გამოშვებული ავტომობილებისთვის:
- ავტომობილის შესაბამისობის სერტიფიკატი (CoC) და ავტომობილის ტიპის დამტკიცების დოკუმენტი; ან
- ევროპისთვის გაეროს ეკონომიკური კომისიის (UNECE) მიერ აღიარებული ავტომობილის ტიპის დამტკიცების ორგანოების/ტექნიკური მომსახურების ცენტრების მიერ გაცემული შესაბამისი დოკუმენტი.
3. ცხრილში მოცემული ქვეყნების გარდა ნებისმიერი სხვა ქვეყნიდან (მაგალითად: ჩინეთი, ინდოეთი, არაბთა გაერთიანებული საემიროები, სომხეთი, აზერბაიჯანი, უკრაინა, უზბეკეთი, ირანი და ა.შ.) იმპორტირებული ავტომობილისთვის (მიუხედავად ასაკისა):
- ავტომობილის შესაბამისობის სერტიფიკატი (CoC) და ავტომობილის ტიპის დამტკიცების დოკუმენტი; ან
- ევროპისთვის გაეროს ეკონომიკური კომისიის (UNECE) მიერ აღიარებული ავტომობილის ტიპის დამტკიცების ორგანოების/ტექნიკური მომსახურების ცენტრების მიერ გაცემული შესაბამისი დოკუმენტი.
სამინისტროში წარდგენილ განცხადებას თან უნდა ახლდეს წარდგენილი დოკუმენტ(ებ)ის შესაბამისი ავტომობილ(ებ)ის მარკა, მოდელი, ძრავის ნომერი, ძრავის მოცულობა, გამოშვების წელი, ექსპორტის ქვეყანა და საიდენტიფიკაციო ნომერ(ებ)ი (VIN კოდ(ებ)ი). გთხოვთ იხილოთ თანდართული ცხრილი, რომლის შევსებაც არის რეკომენდირებული ამ კუთხით. განცხადების სამინისტროში წარმოდგენა შესაძლებელია ელექტრონული ფორმით - სამინისტროს ელ-ფოსტაზე (info@mepa.gov.ge) ხელმოწერილი წერილის სახით.
ევროპისთვის გაეროს ეკონომიკური კომისიის (UNECE) მიერ აღიარებული ავტომობილის ტიპის დამტკიცების ორგანოების/ტექნიკური მომსახურების ცენტრების ნახვა ქვეყნების მიხედვით შეგიძლიათ ბმულზე: https://apps.unece.org/WP29_application/List_TA_TS
- პროაქტიულად გამოსაქვეყნებელი დოკუმენტები
- ჰაერის დაბინძურების ხარისხი
- გზშ და სგშ განცხადებები
- ანგარიშები
- სტრატეგიული დოკუმენტები
- განცხადებები
- ანალიტიკა
- სერვისების გზამკვლევი
- დარგობრივი გზამკვლევი
- საჯარო განხილვისთვის
- ინვესტორთათვის
- მოითხოვე საჯარო ინფორმაცია
- ეკონომიკური საქმიანობა, რომელიც საგანგებო მდგომარეობის პერიოდში საჭიროებს სპეციალურ ნებართვას
- სასოფლო-სამეურნეო კოოპერატივების რეესტრი