საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

განცხადება დამატებითი ინფორმაციის წარმოდგენის შესახებ- ყვარლის მუნიციპალიტეტში, სოფ. შილდას მიმდებარე ტერიტორიაზე ფ/პ პაატა გირმისაშვილის თევზსაშენი ტბორის ექსპლუატაციის პროექტი

ფ/პ პაატა გირმისაშვილის მიერ, გარემოსდაცვითი გადაწყვეტილების მიღების მიზნით. 2021 წლის 26 მარტს წარმოდგენილი იყო ყვარლის მუნიციპალიტეტში, სოფ. შილდას მიმდებარე ტერიტორიაზე თევზსაშენი ტბორის ექსპლუატაციის პროექტის გზშ ანგარიში და კანონმდებლობით გათვალისწინებული თანდართული დოკუმენტაცია (იხ. ლინკი https://mepa.gov.ge/Ge/PublicInformation/31664 ).

ადმინისტრაციული წარმოების ეტაპზე, გარემოზე ზემოქმედების შეფასების ანგარიშზე თანდართულ, ჩამდინარე წყლებთან ერთად, ზედაპირული წყლის ობიექტში ჩაშვებულ დამაბინძურებელ ნივთიერებათა ზღვრულად დასაშვები ჩაშვების (ზდჩ) ნორმების პროექტთან დაკავშირებული გარკვეული საკითხების დაზუსტების მიზნით, სამინისტრომ 2021 წლის 17 მაისს წერილობით მიმართა საქმიანობის განმახორციელებელს. ამასთან, დაზუსტებული ინფორმაციის/დოკუმენტაციის წარმოდგენამდე სამინისტრომ მიიღო გადაწყვეტილება ადმინისტრაციული წარმოების შეჩერების შესახებ (იხ. ლინკი https://mepa.gov.ge/Ge/PublicInformation/31832 ). შესაბამისად, აღნიშნულ პროექტზე 2021 წლის 25 მაისს 15:00 საათზე ჩანიშნული საჯარო განხილვა გაუქმდა (იხ. ლინკი- https://mepa.gov.ge/Ge/PublicInformation/31833 ).

2020 წლის 17 ივნისს, ფ/პ პაატა გირმისაშვილმა სამინისტროს შენიშვნების გათვალისწინებით უზრუნველყო დამატებითი ინფორმაციის წარმოდგენა.

ზემოაღნიშნულთან დაკავშირებით დამატებითი წერილობითი შენიშვნები და მოსაზრებები შეგიძლიათ წარუდგინოთ  საქართველოს გარემოს დაცვისა და სოფლის მეურნეობის სამინისტროს 2021 წლის 27 ივლისის ჩათვლით,  მისამართზე: ქ. თბილისი, მარშალ გელოვანის გამზირი N6, ან ელ. ფოსტის მისამართზე: eia@mepa.gov.ge